SHuni aytish joiz, ushbu musobaqada jami 66ta jamoa ishtirok etdi. Beshta yosh toifasida bo'lib o'tgan turnirda 2006 yilda tug'ilganlar 16ta, 2007lar 12ta, 2008lar 16ta, 2009lar 12ta va 2010 yilda tavallud topganlar 10ta jamoa bilan ishtirok etishdi.
Jamoalar soni ko'p bo'lgani uchun musobaqa ikki qismga bo'lingan holda o'tkazildi. Dastlab 14-19 avgust kunlari 2006, 2007 va 2009 yilda tug'ilganlar o'z o'yinlarini o'tkazgan bo'lsa, 21-26 avgustda 2008 va 2010 yilda tavallud topganlar maydonga chiqishdi.
Bundan tashqari, 2006, 2007 va 2008lar musobaqa tartibida, 2009 va 2010lar esa festival shaklida o'ynashdi. 2006 yilda tug'ilgan futbolchilar o'rtasidagi bahslarda "Paxtakor" chempionlikni qo'lga kiritdi. 2007 va 2008 yilgi futbolchilar orasida esa "Odil Junior" tarbiyalanuvchilariga teng keladigani topilmadi.
Musobaqani oxirgi bo'lib 2008 yilda tug'ilganlar yakunlashdi. Hal qiluvchi final o'yinida "Odil Junior" "Paxtakor"ga qarshi bahs olib bordi. O'yinda hisob ochilmadi va g'olib penaltilar seriyasida aniqlandi. Bunda "Odil Junior" futbolchilari 5:3 hisobida g'alaba qozonishdi.
Turnir yakunida har bir chiziq bo'yicha musobaqaning eng yaxshilari aniqlandi va homiylar tomonidan bolajonlarga esdalik sovg'alar topshirildi. Eslatib o'tamiz, "ChaCha Mustaqillik kubogi-2018" musobaqasi O'FA, "Odil Junior" bolalar futbol maktabi, TFA, “Shampionat.asia” sayti hamkorligida o'tkazildi.
Bosh sahifaga
819