Ignatiy Nesterov: "Menga raqobatlashish yoqadi"

"Bo'lajak o'yinlarga yaxshi kayfiyatda tayyorgarlik ko'rmoqdamiz. Mashg'ulotlar ko'ngildagidek o'tmoqda. Yangi taktik ustida ish olib borilmoqda. Yangi mashg'ulotlar o'tkazilmoqda. Umuman mashg'ulotlar jarayoni qiziq o'tmoqda. Tartibsizliklar yo'q, hammasi qattiqqo'llik bilan kechmoqda. Raqobat? Albatta, har bir jamoada raqobat bo'ladi. Men buni to'g'ri qarshi olaman. Menga hamkasblarim bilan raqobat qilish yoqadi. Eldor Suyunov, Aleksandr Lobanov darajasidagi darvozabonlar bilan birga ishlayotganimdan xursandman. Bu men uchun yoqimli. Bu erda hammasi ish bzasidan. O'rtamizda do'stona munosabatlar o'rnatilgan. Hammamiz bir-birimizni qo'llab-quvvatlaymiz. Men har doim maydonga tushishga tayyorman. O'zbekiston sharafini himoya etish uchun oxirigacha kurashaman va buning uchun barcha narsaga tayyorman. Men vatanparvar insonman va jamoam uchun nima deyishsa shuni bajaraman. Bo'lajak o'yinlar? Futbolda har narsa bo'lishi mumkin. Bu futbol. Bizning asosiy maqsadimiz esa bitta - g'alaba qozonish. Oldimizda turgan uchrashuvlardan olti ochkoni ishlab olishimiz zarur. Biz shuning uchun mashg'ulotlarga ter to'kmoqdamiz", - deydi Ignatiy Nesterov.