Keyrush Erondagi ishini davom ettirishga tayyor

Malum  bo'lishicha, portugaliyalik murabbiy Eron terma jamoasidagi ishini davom ettirishga tayyor. Tez orada uning yangi shartnomaga imzo chekishi kutilmoqda.

- "Jahon chempionatidan so'ng menda bir nechta jamoadan takliflar bo'ldi, - deydi Karlush Keyrush. - Ular orasida Janubiy Koreya, Jazoir va Meksika  bor edi. Lekin xayolimdan Eron ketmadi. Men Osiyo Kubogi paytida ham terma jamoada qolib, ushbu musobaqada zafar quchishni xohlayman".

- "Hamma gap bu musobaqaga qanday tayyorgarlik ko'rishda. CHunki vaqt kam qolyapti. Agar o'z kuchimga ishonmaganimda shartnomani uzaytirish uchun Eronga kelmagan bo'lardim. Biz jahon chempionatida kichik sensaciya qayd etdik. Osiyo Kubogida esa kattaroq natijani ko'zlaymiz. Agar hammasi ko'ngildagidek kechsa yangi shartnomaga qo'l qo'yaman. Men boshqa jamoa bilan to'rt yillik shartnoma tuzishim ham mumkin edi, lekin Osiyo Kubogida g'olib chiqish istagi kuchlilik qildi".

Eslatib o'tamiz. Karlush Keyrush 2011 yilning aprel oyidan beri Eron terma jamoasini boshqarib kelmoqda. U Osiyoda faoliyat yuritayotgan eng mashhur murabbiylar sifrasiga kiradi.