Hal qiluvchi final bahsida kurash olib borgan Janubiy Koreya finaldagi raqibi Yaponiyani 2:1 hisobida mag'lubiyatga uchratdi. SHunday qilib koreyaliklar o'z tarixlarida beshinchi bor Osiyo o'yinlari g'olibiga aylanishdi.
Malumot uchun, Janubiy Koreya bu yilgi musobaqani ham qo'shib hisoblaganda 8-marta finalda o'ynadi va shundan beshtasida g'alabaga erishdi. SHuni aytish lozim, 1970 va 1978 yilgi musobaqalar finalida Janubiy Koreya Burma va KXDR bilan durang qayd etgan, biroq tashkilotchilar tomonidan har ikki jamoa g'olib deb topilib oltin medallar topshirilgan.
Bundan to'rt yil oldin Inchonda o'tkazilgan Osiyo o'yinlarida ham g'oliblik Janubiy Koreyaga nasib etgandi. Koreyslar yon qo'shnilari KXDRni 1:0 hisobida mag'lub etishgandi. Bu gal esa Yaponiya 2:1 hisobida dog'da qoldirildi. 1954, 1958 va 1962 yilgi musobaqalarda esa Janubiy Koreya ketma-ket uch marta finalda o'ynab, uchalasida ham g'olib bo'la olmagan.
Quyida Janubiy Koreya terma jamoasining Osiyo o'yinlarida chempion bo'lgan o'yinlarini keltirib o'tamiz.
1970 yil. Bangkok, Tailand
Final: Janubiy Koreya - Burma 0:0 (2ta birinchi o'rin)
1978 yil. Bangkok, Tailand
Final: KXDR – Janubiy Koreya 0:0 (2ta birinchi o'rin)
1986 yil. Seul, J.Koreya
Final: Janubiy Koreya – Saudiya Arabistoni 2:0
2014 yil. Inchon, J.Koreya
Final: Janubiy Koreya - KXDR 1:0
2018 yil. Jakarta, Indoneziya
Final: Janubiy Koreya - Yaponiya 2:1
Osiyo o'yinlari. Janubiy Koreya 5-bor g'olib!
/ Kiritdi: BestMaster O'qilgan: 482
Bosh sahifaga
299