"Navbahor": Mirxoldirshoev va Bahriddinovlar jamoamizda

Dastlabki kunlardagi mashg'ulotlarda asosiy etibor futbolchilarning jismoniy holatini yaxshilashga etibor qaratilgan mashqlarga berilgandi. Bu safar esa futbolchilar maydonda ko'proq to'p bilan ishlashdi. Jamoada ro'y berayotgan o'zgarishlar xususida gap ketganida, murabbiylar shtabiga SHuhrat Mirxoldirshoevni qo'shilganligini qo'shimcha qilish joiz. Jarohat tufayli futbolchilik faoliyatini yakunlashga majbur bo'lgan mahoratli hujumchi endilikda Rashid G'ofurovga yordam bermoqda. Tarkibdagi o'zgarishlar xususida gap ketganida, jamoamiz safiga bugungi mashg'ulot chog'ida o'tgan mavsumni Qarshining “Nasaf” klubida o'tkazgan namanganlik yarim himoyachi Akram Bahriddinov, Farg'onaning “Neftchi” jamoasidan Zokir Nurmatov va oldingi mavsumlarda jamoamiz sharafini himoya qilgan futbolchi Abduaziz Sultanov ham qo'shildi. Bundan tashqari, yig'in boshlangan kuni jamoamiz mashg'ulotini kuzatgan hujumchi Mo'ydin Mamazulumov ham bugundan mashg'ulotlarda qatnashishni boshladi. SHuningdek, yana bir hujumchi Davron Isoqov ham tarkibdan joy oldi. Bugun o'tkazilgan mashg'ulotda hammasi bo'lib 31 nafar futbolchi ishtirok etganligini aytib o'tish joiz.