"Biz keyingi yil bo'lib o'tadigan Osiyo Kubogiga tayyorgarlik ko'rayapmiz. O'zbekistondan keyin Qirg'iziston bilan o'ynaymiz. Bundan tashqari yana ko'plab o'rtoqlik uchrashuvlari o'tkazamiz. SHu bahslar orqali biz BAAda o'tadigan musobaqaga tayyor holda bormoqchimiz", - deydi Bernd SHtange.
"Biz bugun Osiyo Kubogiga tayyorgarlikni boshladik. Ertaga O'zbekiston bilan o'ynaymiz. Ushbu o'yin orqali musobaqaga jiddiy tayyorgarlik ko'rishni boshlaymiz", - deydi Omar Al Soma.
- Suriyadagi siyosiy vaziyat terma jamoaga tasir qilamayaptimi? Yig'inlar qaysi mamlakatlarda bo'lib o'tmoqda.
- Etibor bersangiz tarkibimizda ko'plab futbolchilar boshqa mamlakatlarda legioner sifatida o'ynashmoqda. Barcha yig'inlar boshqa davlatlarda o'tkazilmoqda.
- Osiyo Kubogiga jiddiy tayyorgarlik ko'rayotgan jamoa Toshkentga ikkiga bo'lingan holda etib kelgani va mashg'ulot o'tkaza olmagani minus emasmi?
- Biz to'liq tarkib bilan Toshkentga etib keldik. Kecha "Paxtakor" stadionida soat 18:00da mashg'ulot o'tkazdik.
- Siz malum vaqt terma jamoada o'ynamadingiz. Qaytishga kim ko'ndirdi?
Omar Al Soma: - Ayni paytda terma jamoada ko'plab kuchli futbolchilar yig'ilgan shu bois qaytishga qaror qildim. Osiyo Kubogida munosib natija ko'rsatishga harakat qilamiz.
- Iroq bosh murabbiyi sifatida avval ham O'zbekistonga kelgangiz. Bizning terma jamoa qaysi jamoaga o'xshab ketadi?
- Yildan yilga yurtingiz go'zallashib borayotganini aytib o'tish kerak. Sizning yoshlar terma jamoaingiz Xitoydagi musobaqada chempion bo'lganidan xabarim bor. Ishonchim komil O'zbekiston qita va jahon miqiyosida katta natijalar ko'rsata oladi. Lekin taktika borasida hech nima deya olmayman.
Narzulla Saydullaev
Bosh sahifaga
935