Keskin va murosasiz ruhda o'tishi kerak bo'lgan bahsning borishi biroz boshqacharoq o'tdi. Ilk daqiqalardanoq turnir jadvali peshqadamlari oldinga o'tishdi va penalti ishlab olishdi. Ushbu imkoniyatdan "Nurafshon" to'purari Oripxo'ja Abduxoliqov unumli foydalana olmadi. SHunday bo'lsa-da, "yo'lbarslar" hujumkorlikni susaytirishmadi.
Oradan 2 daqiqa vaqt o'tib, Farruh SHotursunov hisobni ochdi. U "Lokomotiv"ning sobiq darvozaboni Abror Karimov (u "Lokomotiv" libosida uchrashuvda harakat qildi. Aftidan "Yozyovon" rahbariyati posbonga libos qilib bermagan) qaytara olmadi. 30-daqiqada "Nurafshon"ning yangi futbolchisi Azamat Roziqov o'zining chiroyli va anchagina kuchli zarbasi bilan yana bir marta raqib darvozasini ishg'ol qildi.
Taym yakunlangunicha Oripxo'ja Abduxoliqov bir marta darvozaning to'qqizligi va darvozabonning oyoqlari orasidan to'pni yo'llab, hisobni 4:0 ko'rinishiga keltirib qo'ydi.
Ikkinchi bo'lim esa anchagina sokin o'tdi. "Nurafshon" ham, "Yozyovon" ham kamroq hujum qilib, xatolarga yo'l qo'ymaslikka intilishdi. Ammo mablag' borasida oqsayotgan "Nurafshon" futbolchilarida ishtiyoq kuchlilik qildi. 68-daqiqada Oripxo'ja Abduxoliqovning jarima maydonchasi ichidan bergan kuchli zarbasini Abror Karimov qaytarishda ojizlik qildi. 86-daqiqada esa Ruslan Veklich yana bir bor darvozabonning oyoqlari orasidan gol urib, yakuniy hisobni o'rnatdi, 6:0.
Ushbu g'alabadan keyin "Nurafshon" turnir jadvalidagi holatini biroz bo'lsa-da yaxshilab oldi.
Statistika:
Burchak to'plari: 5 - 5
Penalti: 1 - 0
Sariq kartochkalar: 2 - 2
Hujumlar: 103 - 100
Xavfli hujumlar: 81 - 58
To'pni ushlab turish: 49 - 51
Aniq zarbalar: 10 - 3
Noaniq zarbalar: 11 - 3
Bosh sahifaga
182
