Bugungi uchrashuv doigidek shiddatli va keskin kurashlarga boy tarzda o'tdi. O'zi umuman Oltiriqda kechadigan uchrashuvlar mana shunday qiziqarli bo'layapti, bilasizlar jamoamiz muxlislari juda talabchan, lekin ularning har doim qo'llab-quvvatlab turishlari bizni xursand qiladi albatta.
Uchrashuvning birinchi bo'limida jarimadan o'tkazib yuborilgan tezkor gol bizga ruhan o'z tasirini ko'rsatdi. SHu sababmi, yoki jismoniy tayyorgarligimiz etarli bo'lmadi shekilli, birinchi bo'limda ketma-ket gollar o'tkazib yubordik. Ikkinchi bo'limda o'yinimiz jonlandi, astoydil harakat qildik, afsuski baribir mag'lubiyatga uchradik. Futbolda g'alaba va mag'lubiyat yonma-yon yuradi, nima bo'lganda ham muxlislarmizga, jamoamiz murabbiylari va rahbarlariga minnatdorchilik bildiraman. Endi o'z ustimizda yanada ko'proq ishlaymiz, harakat qilamiz, kelasi uchrashuvlarda g'alaba qozonib, muxlislarmizni xursand qilamiz degan umiddaman.
Kelajakda futbol borasida bilimlarim va jismoniy tayyorgarligimni yanada oshirib, Superliga klublarida o'ynamoqchiman. Har bir futbolchi istaganidek men ham mamlakatimiz milliy terma jamoasida to'p surish orzuim bor.
Bekzod Tolibov yozib oldi.
Bosh sahifaga
783