OFKning taklifi bilan O'FA futzalni esga oldi

30 avgust kuni saralash bosqichi to'rtta mintaqada o'tkazilishi va Markaziy Osiyodan faqat O'zbekiston unda ishtirok etmasligi haqida saytimizda xabar chiqqan edi. Buni OFKning tvitterdagi rasmiy sahifasi ham tasdiqlagandi.




Bunga O'FA hech qanday munosabat bildirmagandi. Faqat bugun O'FA rasmiy saytida yangi xabar chiqdi. Unga ko'ra OFK Markaziy Osiyo mintaqasi saralashiga mezbonlik qilishni O'zbekistonga taklif qildi. O'zbekiston futbol associaciyasi bu taklifni qabul qilib, saralash bosqichiga tayyorgarlikni boshlab yubordi.
 
Ushbu saralash bahslari shu yilning dekabr oyida Toshkentda bo'lib o'tadi va unda O'zbekiston U-20 terma jamoasi ham ishtirok etadi.

Bundan kelib chiqadiki, OFKning taklifidan keyin O'FA O'zbekiston U-20 terma jamoasi borligini esga oldi. Nima bo'lgan taqdirda ham bu ajoyib xabar bo'ldi. Ayniqsa saralash bahslari O'zbekistonda o'tishi zo'r xabar bo'ldi.


SHu tariqa saralashda quyidagi jamoalar ishtirok etishadi:
ASEAN - Indoneziya, Malayziya, Myanma, Tailand, Vetnam
Markaziy Osiyo - O'zbekiston, Afg'oniston, Eron, Qirg'iziston, Tojikiston, Turkmaniston.
SHarqiy Osiyo - Xitoy, Xitoy Taypei, Gonkong, Yaponiya, Makao, Mo'g'uliston
G'arbiy Osiyo - Iroq, Kuvayt, Livan, Saudiya Arabistoni, Suriya, BAA

Eslatib o'tamiz, Xose Mariya Mendez boshchiligidagi O'zbekiston U-20 terma jamoasi 2017 yil Tailandda bo'lib o'tgan U-20 Osiyo chempionatida munosib ishtirok etgan yarim finalga qadar etib borgan edi.