23 ming muxlis qarshisidagi o'yinda Dinamo Xo'jand bilan durang o'ynadi

Qayd etish joiz, Xo'jand - Samarqand biznes forumi doirasida kechgan ushbu bahs oldidan tojikistonliklar Samarqand delegaciyasi va “Dinamo” klubini katta tantanalar bilan kutib olishdi. Xo'jand shahri O'zbekiston va Tojikiston bayroqlari bilan burkandi. SHaharda qo'shnichilik rishtalarini yanada mustahkamlovchi yirik tadbirga katta tayyorgarlik ko'rilgani sezilib turardi.

“Xo'jand” - “Dinamo” uchrashuvi o'tadigan markaziy o'yingoh xalqaro o'rtoqlik uchrashuvi oldidan qariyb 1 soat oldin 23 ming muxlis bilan liq to'lib bo'ldi.
O'yin oldidan so'zga chiqqan Tojikistonning So'g'd viloyati hokimi Rajabboy Ahmadzoda har ikki davlat prezidentlarining o'zbek-tojik qo'shnichilik aloqalarini yanada yaxshilash va har sohada hamkorlik qilish borasidagi tashabbuslarini ikki mamlakat ham katta quvonch bilan qarshi olganligini takidladi.

O'zbekiston va Tojikiston davlat madhiyalari yangragach, o'rtoqlik o'yiniga rasmiy manoda to'pni So'g'd viloyati hokimi Rajabboy Ahmadzoda kiritib berdi. Do'stona ruhda kechgan uchrashuvning 30-daqiqasida “Dinamo” yarimhimoyachisi Dilmurod Karimov ajoyib goli bilan hisobni ochgan bo'lsa, 53-daqiqada Jahongir Ergashev “Xo'jand” jamoasi goliga mualliflik qildi. O'yin davomida 23 ming muxlis bilan to'lgan stadion “O'zbekiston”, “Tojikiston” deya hayqiriq va olqishlar bilan jamoalarni qo'llab-quvvatlab turdi. Bahsda do'stona hisob – 1:1 natijasi qayd etildi. Qayd etish joiz, Samarqandda o'tgan aprel oyidagi dastlabki bahsda 2:2 hisobi kuzatilgandi.

Samarqand delegatciyasi biznes-forum, Samarqand va So'g'd viloyati sanatkorlari ijrosidagi koncert dasturi va Tojikiston Mustaqilligining 27 yilligi bayram tadbirlaridan so'ng Samarqand shahriga qaytib keladi.

Xalqaro o'rtoqlik uchrashuvi.
7 sentyabr (juma)
«Xo'jand» (Tojikiston) - «Dinamo» (O'zbekiston) - 1:1.
Xo'jand, 23 000 tomoshabin.
Bosh hakam: Xurshed Dadoboev (Xo'jand).
Gollar: Dilmurod Karimov, 30′ (0:1) - Jahongir Ergashev, 53′ (1:1).
«Xo'jand»: Aleksey Matrosov, Manuchehr Ahmedov, Xurshed Beknazarov, Vusal Magerramov, Dmitro Bondar, Baxtiyor CHoriev, Obidjon Hakimov, Mehroj SHarifzoda, Hasan Rustamov, Farhod Toxirov, Jahongir Ergashev.
«Dinamo»: SHohruhjon Raimov, Mirkomil Lokaev, Komil SHarofuddinov, Firdavs Abdusalimov, Otabek Narzullaev, Dilmurod Karimov, Damir Temurov, Jasur Azimov, Ilhom Yunusov, SHerzod Jalilov, Sanjar Barotov.