Bir kun oldin Suriyaga qarshi o'rtoqlik uchrashuvi o'tkazgan jamoamiz endi 11 sentyabr kungi Eron bilan bahsga tayyorgarlikni boshladi. Kechagi mashg'ulotlarda Janubiy Koreyada o'ynayotgan ikki legionerimiz SHohruh Gadoev va Sanjar Tursunov ham ishtirok etdi.
Kechagi mashg'ulotda Suriya bilan o'yinda asosiy tarkibdan o'rin olgan va ikkinchi taym boshida maydonga tushgan Sardor Sobirxo'jaev, jami 12 futbolchi tiklanish uchun engil harakatlarni bajarishdi.
Jarohat olgan Vladimir Kozak mashg'ulotni faqatgina chetdan kuzatdi xolos. U tajribali shifokor Abror Pirriev nazoratida bo'lib turibdi.
Qolgan o'yinchilar ham engil mashqlar ustida ishlashdi. Suriya bilan o'yindan oldin yig'inga qo'shilib, faqat yakka tartibda ishlagan Vitaliy Denisov umumiy guruhda shug'ullandi. Gadoev va Tursunov ham barcha bilan birga to'liq ishlashdi.
Bosh sahifaga
219
