Transfer oynasining so'nggi kunida u Germaniya 3-Bundesligasida ishtirok etadigan Braunshveygning "Ayntraxt" klubiga o'tdi.
60-70 yillarda ushbu klub Germaniyaning eng kuchli klublaridan biri edi. 1967 yilda "Ayntraxt" Germaniya chempioni bo'lgandi. Bugungi kunda ham klub juda mashhur. Biroq "Ayntraxt" bu mavsumni omadsiz tarzda boshladi va hozircha 3-Bundesligada so'nggi o'rinda bormoqda.
Yancer mazkur klub bilan 2020 yilga qadar shartnoma tuzdi.
"Braunshveyg juda ham futbol shahri. Bu erga jamoaga yordam berish uchun keldim. Ha hozir klub so'nggi o'rinda, ammo men 3 ligani juda yaxshi bilaman. Bu erda jamoalar ko'p bor pastga qulashadi va yuqoriga ko'tarilishadi. Ikkita o'yinda g'alaba qozonilsa musobaqa jadvali tepasida paydo bo'lasiz. "Xolshtayn Kil"ga yangi murabbiy keldi va mening xizmatlarimga ehtiyoj sezmayotganini aytdi. Mening klub bilan 2019 yilga qadar shartnomam bor edi. Bir qator klublardan takliflarga ega edim, ulardan biri Kotbusdan edi. Ammo Braunshveygdagilar meni kelishimni ko'proq xohlashdi. Yangi klubga imkon qadar tezroq qo'shilib ketishni istayman. Jamoamga 100 foiz ishonaman, buni ilk mashg'ulotlardanoq sezdim. Yaqin haftalar ichida buni barchaga isbotlashimiz kerak", - deydi Yancer.
Malumot uchun, Manuel Yancerning otasi tomondan qarindoshlari O'zbekistonda tug'ilgan.
Bosh sahifaga
228
