Mazkur so'rovnomada Pepsi Superliganing 12 ta klubi bosh murabbiylari va sardorlari ishtirok etdi. Muxlislar ovozi esa PFL rasmiy sayti (www.PFL.uz)da o'tkazilgan so'rovnoma orqali qabul qilindi.
Ortda qolgan avgust oyida 3 ta tur uchrashuvlari bo'lib o'tdi. O'tkazilgan 20-21-22-turlar davomida bir qator futbolchilar mazmunli o'yin namoyish etib, muxlis-u mutaxassislar olqishiga sazovor bo'lishdi.
Jamoalar murabbiylari, sardorlari va muxlislar o'rtasida tashkil etilgan so'rovnoma yakunlariga ko'ra, “Metallurg” jamoasi azosi Islom Isoqjonov avgust oyining eng yaxshi futbolchisi deb topildi. O'tgan oyda 3 o'yinda maydonga tushib, 4 marta raqiblari darvozasini ishg'ol etgan va 1 ta golli uzatma amalga oshirgan Isoqjonov so'rovnomada eng ko'p ochko jamg'arishga erishdi. Mahoratli futbolchini 7 nafar murabbiy va sardor 1-o'ringa, yana 13 nafari esa 2-o'ringa joylashtirdi. Qolaversa, PFL rasmiy saytida o'tgan muxlislar so'rovnomasida ham aynan bekobodliklar etakchisi eng ko'p ovoz to'pladi.
Ikkinchi pog'ona esa 2 ta gol va 2 assistga mualliflik qilgan AGMK jamoasi yarim himoyachisi Jasur Hasanovga nasib etdi. Uchinchi o'rindan esa “Paxtakor” hujumchisi Ismoil Gonsalvesh (3 o'yin, 3 gol) o'rin egalladi.
Qaysi murabbiy va sardorlar kimga ovoz bergani esa birozdan so'ng PFL saytida elon qilinadi.
Superliga. Avgust oyining eng yaxshi futbolchisi malum qilindi
/ Kiritdi: BestMaster O'qilgan: 295
Bosh sahifaga
263