Buning samarasi o'laroq, 9 sentyabr kuni Namanganning “Navbahor” klubi o'z maydonida Qirg'izistonning “Neftchi” (Qo'chqor-Ota) jamoasiga qarshi xalqaro o'rtoqlik uchrashuvi o'tkazdi. Takidlash joizki, mazkur o'yinda “lochinlar” safida asosiy tarkibning 4-5 nafar futbolchilari maydonga tushishdi, xolos. Qolganlari yoshlar jamoamizning vakillari edi. SHu sababli, jamoamizni ushbu bahsda maydonga SHuhrat Qoraboev boshchiligidagi murabbiylar shtabi olib tushdi.
Takidlash joizki, qo'chqor-otaliklar mezbonlarga munosib qarshilik ko'rsatishga intilishdi. “Lochinlar” esa yuzaga kelgan ko'plab xavfli vaziyatlardan samarali tarzda foydalana olishmadi. Natijada uchrashuvning birinchi bo'limida hisob ochilmadi.
Tanaffusdan keyin ham tashabbusni o'z qo'llariga olishga intilgan maydon egalari nihoyat, 67-daqiqada hisobni ochishga muvaffaq bo'lishdi. Oston O'runov 25 metrlar chamasi uzoqlikdan belgilangan jarima zarbasini ajoyib tarzda amalga oshirib, “Neftchi” darvozasini aniq nishonga oldi – 1:0.
Hakam tomonidan qo'shib berilgan vaqtning so'nggi daqiqasida esa zaxiradan maydonga tushirilgan Yunusbek Abduvohidov Davron Jo'raqulovni dog'da qoldirib, hisobdagi farqni oshirdi – 2:0.
SHu tariqa jamoamiz ikkinchi o'rtoqlik uchrashuvida ham zafar quchdi. Eslatib o'tamiz, “Navbahor” 7 sentyabr kungi nazorat bahsida Pro-liga vakili Yozyovonning “Yozyovon-Lochinlari” jamoasini yirik – 7:0 hisobida mag'lubiyatga uchratgandi.
Navbahor Neftchi Qirg'iziston 12 Umid qilamizki, mazkur o'rtoqlik uchrashuvlari “lochinlar”ga 23-tur doirasidagi “Paxtakor”ga qarshi kechadigan o'yin oldidan munosib tayyorgarlik vazifasini o'tadi va bo'lajak bahsda ham futbolchilarimiz zafar quchib, o'z muxlislarini xursand etishadi.
“Navbahor” (Namangan) – “Neftchi” (Qo'chqor-Ota, Qirg'iziston) – 2:0 (0:0)
Namangan. “Markaziy” o'yingoh. 2260 tomoshabin.
Hakamlar: Ibrohim Ismoilov (Namangan), Bobur Ibragimov (Namangan), Isroil Imomnazarov (To'raqo'rg'on), Muzaffar Mamatxanov (CHortoq).
Nazoratchi: Azam Rajabbaev (Namangan).
Gollar: O.O'runov (67), YU.Abduvohidov (90+5).
“Navbahor”: 45.Akbar To'raev, 6.Oston O'runov, 7.Ahmad Mamadaliev, 15.Azamat Allaniyozov, 19.SHahzodbek Hamidov, 21.Bilolxon Toshmirzaev, 24.Javohir Olimjonov, 32.Hojiakbar Yunusov, 33.Tomislav Payovich, 77.Muzaffar Abdullaev, 99.Sarvar Soliev.
Zaxiradan maydonga tushganlar: 8.Oybek Mirzohidov, 9.Abdurashid Valixonov, 10.Akmaljon Turg'unboev, 17.Sardor Sulaymonov, 22. SHohruhmirzo Ahmadaliev, 30.Otabek Solihov, 44.Yunusbek Abduvohidov.
“Neftchi”: 1.Davron Jo'raqulov, 2.Esen Usanqulov, 4.Manas Juganov, 5.Maqsudjon Hayitov, 9.Otabek Haydarov, 11.E. Moldajinilov, 12.Umid Imanov, 19.Atay Jumanov, 21. Ahmaz Malikov, 22.O.Ignaterenko, 23.Manas Karipov.
Zaxiradan maydonga tushganlar: 16. Apaz Ulut, 6. Asqarbek Uulus, 8. B.Buvanaev, 18.A.Abdakimov, 20.SH.Asqarov, 24.Timur Majidov.
Ogohlantirish: B.Buvanaev (90+5).
Bosh sahifaga
316