– Birinchi navbatda raqiblarimizni haqli g'alaba bilan tabriklayman. Bugungi bahs imkoniyatlardan foydalanilmagan o'yin bo'ldi. Ikkala jamoa ham birinchi taymda ko'plab gollar urishi mumkin edi. Uchrashuv davomida futbolchilarim nazoratni yo'qotishdi va sariq, qizil kartochkalar olishdi. Bunday vaziyatda natijaga erishish qiyin. Gap professional tartib haqida ketmoqda. Bugungi vaziyatni tahlil qilib chiqishimiz kerak.
– Ikkita o'rtoqlik o'yinidan qanday xulosalar qildingiz?
- Biz O'zbekiston bilan yaxshi o'yin namoyish etgandik. Futbolchilarim Qirg'iziston terma jamoasini mensimay, oson o'yin kutishgandi, buning uchun raqib bizni jazoladi. Besh kun oldin O'zbekiston bilan o'yinda namoyish etilgan yuqori darajadagi o'yinni Qirg'iziston bilan uchrashuvda ko'rsata olmadik. Bugun raqibdan kuchli emasdik va Qirg'iziston haqli tarzda g'olib bo'ldi.
– Bugungi o'yindagi hakamlik haqida nima deysiz?
– Hakamlik haqida gapirish mening vakolatimga kirmaydi. Menimcha birinchi taymda u qadar ko'p qo'polliklar bo'lmadi va sariq kartochklar sonidan xayron qoldim. Ammo shunday bo'lsa ham futbolchilarim nazoratni yo'qotmasliklari lozim. Futbolchilar hissiyotga berilishdi, nazorat yo'qotilishi qimmatga tushdi, - deb SHtangening so'zlarini keltiradi Qirg'iziston futbol Federaciyasi rasmiy sayti.
Eslatib o'tamiz, uchrashuvni qozog'istonlik hakam Aleksandr Aliev boshqarib bordi. Bahs davomida u jami 9ta sariq va 3ta qizil kartochka ko'rsatdi. Uchala qizil kartochka ham Suriya terma jamoasi azolariga ko'rsatildi.
Bosh sahifaga
143
