"Kecha biz uchun kerakli o'yin bo'ldi. Ayta olaman, O'zbekiston termasiga natija muhim emasdi. Yangi murabbiyning ko'rsatmalarini to'liqligicha bajarishga harakat qildik. Muxlislarning norozi bo'layotganini tushunsa bo'ladi. Ammo, murabbiy endigina keldi, uning faoliyati yaqindagina boshlandi. O'yin sifatimizni qadam va qadam yaxshilab boramiz. Barchasini oddiylikdan boshlash kerak.
Ektor Kuper baribir top-murabbiylar qatoriga kiradi, uning o'ziga hos uslubi bor. Buni mashg'ulotlarda ko'rib bormoqdamiz. Hozircha uning mashg'ulot darajasi borasida fikr bildirishga erta deb o'ylayman.
Ikki o'yindagi taktikada o'zgarishlar bo'lmadi. Bosh murabbiy bizga bir xil talab qo'ydi. U ilk navbatda, ishni himoyadan boshlash kerakligini tushuntirdi. Asta-sekinlik bilan o'yinimiz ochilib borishiga ishonaman.
Eron va Suriya kabi termalar bilan o'yin o'tkazdik. Baribir Eron kuchli terma. SHu boisdan ularga qarshi shunday o'yinlar ko'proq bo'lgani foydali bo'ladi. Biroq biz bu bahslarda natijaga etibor bermadik va etiborni asosiy muammolarni to'g'rilashga qaratdik", - dedi Islom To'xtaxo'jaev.
Bosh sahifaga
224