“Ayaks” hujumchisi Klas-Yan Xuntelar Gollandiya chempionati 5-turida “Groningen”ga qarshi o'yinda dublga erishdi. Birinchi bo'limda 35 yoshli hujumchi penaltini aniq amalga oshirdi. Bu uning uchun Gollandiya chempionatidagi 128-gol bo'ldi. SHu tariqa Xuntelar afsonaviy Marko van Bastenni ortda qoldirdi. Uning hisobida 127 ta gol bo'lgan. Endi hujumchi Erediviziya to'purarlari reytingida 23-o'rinni band etib turibdi. 1-o'rinda esa Villi van der Kyuylen 311 gol bilan bormoqda. SHuningdek, Xuntelarning o'yindagi birinchi goli uning faoliyatidagi milliy chempionatlarda urilgan 250-gol bo'ldi.
Malumot uchun, Xuntelar Gollandiya milliy terma jamoasi tarixidagi eng yaxshi ikkinchi to'purar futbolchi hisoblanadi. Uning hisobida 42 ta gol bor. Birinchi o'rinda esa 50 ta gol bilan Robin van Persi bormoqda.
Bosh sahifaga
281