O'yin "Alyanc-Yuventus" stadionida bo'lib o'tdi va bahs 2:1 hisobida mezbonlarning g'alabasi bilan yakunlandi. Bahs oxirida Turin klubi yarim himoyachisi Duglas Kosta "Sassuolo" hujumchisi Federiko Di Franchesko yuziga tupurgani uchun qizil kartochka oldi. Ikki daqiqa oldin Duglas hakam ko'z o'ngida Di Francheskoga boshi bilan zarba berishga urinib, sariq kartochka bilan jazolangan edi. Bundan tashqari Kosta tirsagi bilan raqibining yuziga shikast etkazishga harakat qildi.
Italiya futboli reglamenti bo'yicha, ushbu qoidabuzarliklarni amalga oshirgan Duglas Kosta 5ta o'yinga diskvalifikaciya qilinishi mumkin.
Bosh sahifaga
1648