Mark Klattenburg "Men hech qaerga ketayotganim yo'q"

U Saudiya Arabistoni hakamlar qo'mitasi rahbari hisoblanadi. Yaqinda uning ishdan ketishi mumkinligi hamda o'rniga Perluiji Kollina rahbar bo'lishi haqida gap chiqqandi. Ammo Klattenburg bu gaplarni inkor qildi.

Mahalliy OAVning yozishicha, federaciya rahbariyati Klattenburgdan ko'p narsa kutgan, biroq britaniyalik referi katta ishlarni hal qilgani yo'q. "Men bu erga shartnoma asosida kelganman va ishim mahalliy hakamlar saviyasini o'stiri sh hisoblanadi. Biz Saudiya Pro ligasining har bir o'yini yaxshi hakamlik ostida o'tishini xohlaymiz", - deydi Klattenburg.

Malumot uchun, 43 yoshli hakam Angliya Premer-ligasi doirasida bir qancha o'yinlarni boshqargan, shuningdek 2012 yilgi Olimpiada o'yinlari finali hamda Evro-2016 finalida hakamlik qilgan.

Klattenburg o'z o'rniga Kollina kelishi haqida gap-so'zlarga shunday javob berdi: "Men hech qaerga ketayotganim yo'q. Saudiya Arabistonida hakamlar saviyasini oshirish uchun qo'limdan kelgancha yordam berishga tayyorman. O'rnimga Kollina kelishi esa shunchaki mish-mish, xolos".

Eslatib o'tamiz, Perluiji Kollina italiyalik eng mashhur hakamlardan biri hisoblanadi. U 1997 yildan 2005 yilgacha ketma-ket "Yilning eng yaxshi hakami" deb topilgan.