Marat Bikmaev hakamlarni haqorat qilgani uchun ikkita uchrashuvga chetlatildi

2018-09-17 23:20:01 / Kiritdi: BestMaster O'qilgan: 341

Superliganing 23-tur uchrashuvlari doirasidagi “Metallurg” – “Lokomotiv” bahsi 90+4 daqiqasida “temiryo'lchilar” jamoasi zaxira o'rindig'ida o'tirgan futbolchi – Marat Bikmaev hakamlar guruhi shaniga nomaqul so'zlar ishlatdi.

Natijada o'yinni boshqarib borgan hakam – Vladislav Ceytlin ushbu futbolchini maydondan chetlatdi.

Vladislav Ceytlin yozma bildirgi orqali ushbu vaziyatga izoh berarkan, Bikmaev avvaliga zaxira hakamini, so'ngra butun hakamlar guruhini haqorat qilganini malum qildi.

Mazkur vaziyat atroflicha o'rganib chiqildi va Musobaqalar reglamentining intizomiy va jarimalar kodeksi 3-bo'lim, 5.45 bandining “E” qismini qo'pol ravishda buzgani etirof etilgan Marat Bikmaev navbatdagi ikkita rasmiy uchrashuvdan chetlatildi va futbolchiga nisbatan 10 000 000 so'm miqdorida jarima belgilandi.

Teglar: marat, bikmaev, hakamlarni, haqorat, qilgani, uchun, ikkita, uchrashuvga, chetlatildi,
← Oldinga Orqaga →