Tanishing, “Bunyodkor”ning yangi futbolchisi: SHahzodbek Nurmatov
/ Kiritdi: BestMaster O'qilgan: 1393
Toshkentning “Bunyodkor” jamoasi mavsumlar oralig'ida o'z safini iqtidorli hujumchi bilan to'ldirdi.
Bekobodning “Metallurg” jamoasidagi o'yinlari orqali muxlislarga yaxshi tanish bo'lgan SHahzodbek Nurmatov bundan-buyon “qaldirg'ochlar” sharafini himoya qiladi.
Nurmatov oliy ligadagi debyut uchrashuvini 2011 yili “Dinamo” tarkibida “Mashal”ga qarshi o'tkazgandi. Samarqaddagi yarim yillik faoliyatidan so'ng hujumchi keyingi taqdirini Bekobodning “Metallurg” klubi bilan bog'ladi. SHahzodbek Nurmatov “Metallurg” safida deyarli besh yil to'p tepdi. U umumiy hisobda chempionat bahslarida 108ta uchrashuv o'tkazib, raqiblari darvozasiga 35ta gol urdi.
SHahzodbek o'z harakatlari bilan O'zbekiston yoshlar, olimpiya va hatto milliy terma jamoa murabbiylari etiborini ham qarata oldi. U Vatanimizning bosh jamoasi safida uchta o'yinda ishtirok etishga ulgurdi.
Hujumchi endi “Bunyodkor” sharafini himoya qiladi. Uning “qaldirg'ochlar” tarkibidagi faoliyati yanada muvaffaqiyatli bo'lishiga umid qilib qolamiz.
BIZNING MA'LUMOT
To'liq ismi: Nurmatov SHahzodbek Sodiq o'g'li
Tug'ilgan sanasi: 18.09.1991
Tug'ilgan joyi: Toshkent shahri
Ampluasi: Hujumchi
Bo'yi: 185
Vazni: 76
O'ynagan jamoalari:
| Yil | Jamoa | O' | G |
| 2015 | “Metallurg” (Bekobod) | 26 | 10 |
| 2014 | “Metallurg” (Bekobod) | 21 | 8 |
| 2013 | “Metallurg” (Bekobod) | 20 | 9 |
| 2012 | “Metallurg” (Bekobod) | 26 | 8 |
| 2011 | “Metallurg” (Bekobod) | 6 | 0 |
| 2011 | “Dinamo” (Samarqand) | 9 | 0 |
Bosh sahifaga
205