"Yarim finalga chiqqanimizdan xursandmiz. Juda qiziqarli o'yin bo'ldi. "Andijon" chiroyli, tezkor, muxlislarbop o'yin namoyish etdi. Bu jamoa bemalol Superligada o'ynay oladi. Keyingi yil "Andijon"ni Superligada ko'ramiz deb o'ylayman.
Albatta, bu o'yin tarixga kirdi. Endi keyingi o'yin haqida o'ylashni boshlaymiz. 23 sentyabr kuni "Lokomotiv" bilan o'ynaymiz. Superligada endi har bir bahs muhim bo'ladi", - deydi Mirjalol Qosimov.
"To'g'risi mana shunday qiyin o'yin bo'lishini kutgandik, "Andijon" bizga etarlicha qarshilik ko'rsatdi. Bu hisobda ham aks etdi. Faqatgina tarjiba evaziga g'alaba qozonishning o'zi etarli emas", - deydi Rustam Ashurmatov.
- "Andijon"ning bugungi o'yini Superliga darajasiga tortadi deb o'ylaysizmi?
- Hozirgina aytib o'tdim-ku. Agarda Superligada 16ta klub bo'lganida ulardan biri "Andijon" bo'lardi. O'zi vodiyda har doim qiyin o'yinlar o'tkazib kelganmiz.
- "Bunyodkor" hisob 2:1 bo'lib turganida hujumkorlikni oshirmadi. Natijani saqlab qolishga ishonganmidinglar?
- Mezbonlarning yo'qotadigan narsasi yo'q edi. Ular harakat qilib ko'rishdi. O'yin tizgini bizda edi. Raqib uzun paslar bilan bizga qiyinchilik tug'dirishga urindi. Oxrigi daqiqalarda "Andijon" bitta yaxshi imkoniyatga ega bo'ldi, ammo gol bo'lmadi. SHu bilan birga bizda ham bir necha bor gol uradigan vaziyatlar bo'ldi.
Bosh sahifaga
260