Ildar Sakaev: "Andijon"ning vazifasi PRO-ligada 1-o'rinni olish va Superligaga chiqish"

"Bunyodkor" bir necha karra O'zbekiston chempioni. Lekin bu futbol. Kerakmas gollarni o'tkazmaganimizda barcha narsa sodir bo'lishi mumkin edi. Tezkor ikkita gol qo'yib yubordik. O'zimiz qiyin ahvolga tushib qoldik. Oxirigacha kurashdik.

Superligada 4-o'rinda borayotgan klubga qarshi o'yinda o'zimizni sinab ko'rdik", - deydi Ildar Sakaev.

"Birinchi navbatda g'alaba uchun harakat qildik, borimizni berdik. Tajriba va omad etishmadi. Keyingi o'yinlarda muxlislarni xursand qilishga harakat qilamiz", - deydi Davron Isoqov.

- "Andijon" bir tekis o'ynay olmayapti. Masalan, "SHo'rtan"ga 0:1 hisobida yutqazib qo'yadi, yoki "Bunyodkor" bilan tengma-teng o'ynaydi. Bunga sabab nima?
- Jamoa gol o'tkazsa shoshiladi. PRO-liga o'yinlariga futbolchilarni balki etarlicha ruhlantira olmayotgandirman. "Bunyodkor"ga qarshi ortiqcha ruhlantirish shart emas. Barqarorlik yo'qligi birinchi galda murabbiyning aybi.

- "Andijon" Superligaga chiqa oladimi?
- Vazifa PRO-ligada 1-o'rinni olish va Superligaga chiqish. Vazifa o'zgargan yo'q. To'g'ri hozir vaziyat biroz og'ir. O'ylashimcha olishimiz kerak bo'lgan 5 ochkoni boy berdik. Barcha aybni o'z bo'ynimga olaman. Qaytaraman vazifa o'zgarmagan va buni bajarishga harakat qilishda davom etamiz.

- "Bunyodkor"dan ijaraga olingan uch nafar futbolchi bugun o'ynamadi...
- Ijara shartnomasida raqib "Bunyodkor" bo'lsa bu futbolchilar o'ynamasligi haqida band bor edi. SHaxsan o'zim bunday bo'lmasligini xohlardim.