Uchrashuvning 29-daqiqasida bosh hakam Feliks Brix turinliklar yulduzi Krishtianu Ronalduga qizil kartochka ko'rsatdi. Krishtianu esa maydonni yig'lab tark etdi.
"Sky Sport Italia" xodimlari "Valensiya" - "Yuventus" uchrashuvining videoyozuvlarini o'rganib chiqishdi va Ronalduning chetlatilish sababini aniqlashdi.
"Football-Italia.net" saytining xabar berishicha, Brix o'sha epizodni ko'rmagan va o'zining yon chiziqdagi yordamchisi Mark Fritcga yuzlangan. Fritc esa Brixga Ronaldu raqibining sochini ushlab olganini malum qilgan hamda bosh hakamning portugaliyalik hujumchi qizil kartochkaga loyiqmi deya bergan savoliga ikki marotaba ijobiy javob qaytargan.
Krishtianu har qanday holatda ham diskvalifikaciya sabab ECHLning keyingi bahsini o'tkazib yuboradi. Lekin, UEFA forvardning raqibga nisbatan harakatlarini ataylab qilingan deb topsa, uni 3ta o'yinga chetlashtirishi mumkin.
Oldinroq, "Yuventus" bosh murabbiyi Massimiliano Allegri VAR tizimi Feliks Brixga Ronalduning epizodida yordam bergan bo'lardi deya fikrini bildirib o'tgan edi.
Bosh sahifaga
239