"Buxoro" nazorat bahsida "Lokomotiv" yoshlari bilan o'ynadi
/ Kiritdi: BestMaster O'qilgan: 987
“Buxoro” jamoasi Toshkentda o'quv-yig'inlarni davom ettirmoqda.
Bugun jamoa dastlabki nazorat uchrashuvini o'tkazdi. Dastlabki sparing-raqib sifatida “Lokomotiv” yoshlari tanlandi.
Ushbu uchrashuvda buxoroliklar 2:1 hisobida g'alaba qozonishdi.
Uchrashuvning 14-daqiqasida Suxrob Nematov penaltidan hisobni ochgan bo'lsa, 82-daqiqada raqib darvozasiga yana penalti belgilandi. Bu safar jarima zarbasini Ruslan Melziddinov aniq bajardi.
Bu uchrashuvda “Buxoro” jamoasida to'rt nafar yangi futbolchi debyut qilishdi. Darvozabon Muxiddin Xudoyorov, himoyachi Saxob Juraev, yarim himoyachi Sanat SHixov va hujumchi Alisher SHog'ulomovlar “Buxoro” sharafini himoya qilishdi.
“Buxoro” tarkibi quyidagicha ko'rinish oldi:
Muhiddin Xudoyorov (SHoxjahon Nasimov), Saxob Jo'raev, Ruslan Melziddinov, Bobir Amonov, Otabek Narzullaev, Pavel Smolyachenko, Sanat SHixov, Suxrob Nematov, Alisher Sanaev, Maruf Murodov (Nozim Umurov), Alisher SHog'ulomov (Nodir Davlatov).
Jamoaga futbolchilarning ko'rikdan o'tish uchun tashriflari davom etmoqda...
Bosh sahifaga
1192
1 Mart 2021, 07:33