"SHtutgart" hamda "Fortuna Dyusseldorf" jamoalari o'rtasidagi bahs orqali Bundesliganing 4-turi boshlanadi.
Tayfun Korkut boshchiligidagi mezbonlar hozirga qadar o'tkazilgan uchta o'yindan birortasida g'alaba nashidasini surishgani yo'q. Debyutant "Fortuna Dyusseldorf" esa 3 uchrashuvda 3 xil natija qayd etgan.
Turnir jadvali etibori bilan qaralganda, to'qnashuvda mehmonlar favorit maqomida bo'lishadi. Ammo "SHtutgart" o'z uyida o'ynashi va jamoalar o'rtasidagi farqni inobatga oladigan bo'lsak, unda mezbonlar bu maqomga ko'proq loyiq.
Fakt shuki, bu jamoalarning o'zaro uchrashuvida ustunlik "Fortuna Dyusseldorf" tarafida. Bugungi bahs nafaqat bu ikki jamoalarning o'zaro bellashuvi sifatida, balki murabbiylar to'qnashuviga aylanishi kutilmoqda. Tayfun Korkut hamda Fridxelm Funkel bahsi ham ko'pchilik uchun qiziq bellashuvga aylanadi.
Mazkur o'yin bugun kech soat 23:30da boshlanadi. MTRK rasmiy sayti xabariga ko'ra, Bundesliganing 4-turidan o'rin olgan dastlabki o'yin "Sport" telekanali orqali jonli efirda olib ko'rsatiladi.
Eslatib o'tamiz, "Sport" kanali Germaniya chempionati o'yinlarini ko'rsatishi haqida elon qilgandi. Aynan mazkur haftadan boshlab Bundesliga o'yinlari jonli efirda ko'rsatilishi kutilmoqda.
Bundesliga, 4-tur.
"SHtutgart" - "Fortuna Dyusseldorf" (23:30 - Sport)
"Mersedes-Benc Arena".
Bosh hakam: Robert Xartmann.
Bosh sahifaga
203
