"Boburjon Omonovni jarohati bois majburan o'zgartirdik, o'shandan keyin ikki daqiqa ichida ikkita gol o'tkazib yubordik. Birinchi taymda vaziyatlar bo'lgandi. Gol urishimiz ham, ko'p gol o'tkazishimiz ham mumkin edi. O'ylashimcha bugun "Paxtakor" haqli ravishda g'alaba qozondi", - deydi Ulug'bek Baqoev.
"Og'ir o'yin bo'ldi, O'zbekistonning eng kuchli jamoalaridan biriga qarshi. Birinchi taym yopiq va himoyadan o'ynadik, ikkinchi taymda esa natija ham bunday o'ynashga imkon bermadi. Raqib ham oson g'alaba qozonmadi deb o'ylayman. Keyingi o'yinlarda "Paxtakor"ga omad tilayman", - deydi SHahboz Erkinov.
- "Buxoro"ning qoniqarsiz natijalariga nima sabab bo'lmoqda? Moliyaviy holatmi?
- Ruhiy tomonlama albatta har bir mehnatga haq to'lanishi lozim. Hozirgi kunda yigitlar moliyaviy muammo tufayli qiynalishmoqda. Barcha o'yinlarga tayyorlangandek tayyorlanayapmiz, mashg'ulotlarda ishlayapmiz. Futbolchilarda jismoniy holati yaxshi, ruhiy jihatdan bunday deya olmayman.
- Moliyaviy inqiroz davom etaversa sizning murabbiylik faoliyatingizga tasir qilmaydimi?
- Menimcha bu savol ko'proq rahbariyatga bo'lsa kerak. Ular vada berishgan, vada berishmoqda. Ochig'i yigitlarning oldida hozir xijolatdaman. Sababi barcha futbolchilarning oilasi bor, farzandlari bor. Hozir faqat kutayapmiz, ijobiy yangiliklar bo'lishini kutamiz. SHaxsan o'zimga kelsak "Buxoro" bilan shartnomamni oxirigacha ishlayman, mavsum oxirida ko'ramiz.
Bosh sahifaga
1398