- Haqiqatdan ham bir-biriga munosib, raqobatbardosh jamoalar bugun maydonga to'qnash keldi, derbiga xos o'yin bo'ldi. Ko'rdingiz, yigitlar yomon o'ynamadi, kurashishdi, vaziyatlar yaratishdi. Keyinchalik futboldagi qonun "Sen urmasang senga urishadi" degan qonun o'z kuchini ko'rsatdi. O'yin sifati borasida kamchiliklar bor, buni tan olish kerak. Endi o'tkinchi o'yinlar qolmadi. Birinchi golni o'z xatomiz tufayli o'tkazib yubordik. Keyinchalik hisobni tenglashtirishga ham erishdik. Ikkinchi bo'limda raqibning chiroyli kombinaciyasi tufayli gol o'tkazib yubordik. SHunga qaramasdan o'zimizda kuch topa oldik. Ikkinchi bo'limda ko'plab vaziyatlar bo'ldi. O'yin durangga mos edi, deb o'ylayman. Nima ham derdim, "Lokomotiv"ni g'alaba bilan tabriklayman.
Omad yoki mahorat? Futbolda ikki jihat ham juda kerak. Ikkinchi bo'limni oladigan bo'lsak, Abdullaev ozgina mahorat etishmadi. Rayevac esa kuchli hujumchi. U bunday vaziyatlardan foydalana oladi. SHu boisdan unga omad etishmadi, deb o'ylayman. SHunga qaramay, shogirdlarim bilan faxrlanaman. Oldimizdagi maqsad OCHLga chiqish. SHu boisdan bu erda faqatgina ochko yig'ish kerak. Kiyinish xonasida yigitlarga o'yin tarixga aylanganini, keyingi o'yinga boshni tik ko'targan holda chiqishimizni aytdim. Muxlislarga yoqadigan o'yin bo'ldi. Sekin-sekin kamchiliklarni to'g'rilashga harakat qilamiz.
Orada kichik tanaffus bo'lganda Rayevac jarohat olgandi. Nurmatov ham "Buxoro"ga qarshi o'yinda yaxshi o'ynadi, kubokda gollar urdi. Rayevac yomon hujumchi emas, u bekorga "Bunyodkor"ga taklif qilinmagan. Ammo barchasi o'zining qo'lida.
Xurshid G'iyosov: - "Bunyodkor" muxlislar uchun o'ynaydi. G'alaba qozonishni juda istadik. Buning uchun ko'plab vaziyatlarga ega bo'ldik, biroq bundan foydalana olmadik. "Lokomotiv"ni g'alaba bilan tabriklayman.
Bosh sahifaga
334