Kovach "Bavariya"ga g'alaba kalitini taqdim etayotgan taktikadan voz kechmoqchi emas

«Agarda biz yaratilayotgan vaziyatlardan yanada unumliroq foydalanishni boshlasak, unda bu narsa meni yanada baxtliroq qiladi. Ayni paytda men futbolchilarning mashg'ulotlardagi ishi va maydonda ko'rsatayotgan o'yinidan mamnunman», - deya gap boshladi Niko Kovach.

Rafinya haqida: «FIFA kunlaridan so'ng futbolchi maydonga qaytsa juda xursand bo'lardim. Vaziyatni chigallashtirmaslik uchun shoshilmaymiz va uning holati o'nglanishini kutamiz. SHundan so'ng uning holatiga aniq baho beramiz».

Xames haqida: «Rodrigezni maqtamoqchiman. Xames oxirgi o'yinlarni juda yaxshi saviyada o'tkazganini alohida etirof etish lozim. Biz muhim o'yinlarda unga ishonishimiz mumkinligini Xames isbotladi. Uning yaxshi jihatlaridan biri shuki, Xames doim kerak vaziyatda tezkor qaror qabul qiladi».

Niko Kovach uch himoyachili taktik sxema haqida: «Kelajakda biz bu sxemadan foydalanishimiz mumkin. Ammo hozircha g'alaba keltirayotgan uslub va sxemani o'zgartirmoqchi emasman».

Niko Kovach ikkinchi hujumchi haqida: «Sandro Vagner yaqin o'yinlarda albatta o'z imkoniyatini oladi va biz unga o'yin amaliyoti uchun vaqt ajratamiz».