Ushbu musobaqa bugungi kunda rasman "Carabao Cup" deb nomlanadi. Uning amaldagi g'olibi "Manchester Siti" klubi hisoblanadi. Bugun ular ham o'z yurishlarini boshlashadi.
Angliya Liga kubogining 2018-2019 yilgi mavsumida jami 92ta klub ishtirok etmoqda. Birinchi bosqichda 70ta jamoa 35ta juftlikka bo'lingan holda bellashgan bo'lsa, ikkinchi bosqichda 50ta jamoa 25ta juftlik hosil qilgan edi. Ayni paytda o'sha g'olib bo'lgan 25 klub orasiga APLdan evrokuboklarda ishtirok etayotgan 7 jamoa qo'shildi va 16ta juftlik hosil qilindi.
Bugun 3-bosqichning 10ta bellashuvi o'tkaziladi. Etiborli uchrashuvlar sirasiga Manchester shahrining ikki jamoasi ishtirokidagi o'yinlarni va APLda to'p tepadigan "Vulverxempton" va "Lester"ning o'zaro to'qnashuvini keltirish mumkin.
Angliya Liga kubogi
"Carabao Cup", 3-bosqich
25 sentyabrdagi o'yinlar
23:45. "Barton Albion" - "Byornli"
23:45. "Uaykomb Uonderers" - "Norvich"
23:45. "Oksford" - "Manchester Siti"
23:45. "Milluoll" - "Fulxem"
23:45. "Bornmut" - "Blekbern"
23:45. "Preston" - "Midlsbro"
23:45. "Vulverxempton" - "Lester"
23:45. "Blekpul" - "Kuinz Park Reynjers"
00:00. "Vest Bromvich" - "Kristal Pelas"
00:00. "Manchester Yunayted" - "Derbi Kaunti"
MYU - "Derbi" uchrashuvining etiborga molik jihati CHempionship jamoasini bugungi kunda "CHelsi" afsonasi Frenk Lempard boshqarib bormoqda. Lempard bellashuvdan oldingi matbuot anjumanida quyidagicha qiziq gapni aytib o'tdi: "Uchrashuvdan so'ng Joze bilan birga ichishimiz uchun vinoning navini tanlashni o'zimga ep ko'rolmayman. Men bu tanlovni unga qoldiraman. Men bu borada unchalik mahoratli emasman. Men uchun arzonroq va "qattiqroq" bo'lgani maqul". Mana shunaqa, Angliyada ikki jamoa murabbiylarining o'yindan so'ng birga o'tirib vinoxo'rlik qilishi yangilik emas. "Manchester Yunayted"da esa odat desa ham bo'laveradi.
Bosh sahifaga
162