Yursinali Topvoldiev: "Odil Ahmedov kabi futbolchi bo'lishni orzu qilaman"

2018-09-25 20:50:01 / Kiritdi: BestMaster O'qilgan: 376

“Neftchi” (yoshlar jamoasi) - “Iftixor” (1:1) jamoalari o'rtasidagi nazorat uchrashuvidan so'ng mehmonlar futbolchisi Yursinali Topvoldiev “championat.asia” saytiga intervyu berdi.

Bugun Farg'ona davlat universiteti o'yingohida Superliga vakili “Neftchi” klubining yoshlar jamoasi bilan nazorat-sinov uchrashuvida maydonga tushdik va 1:1 hisobida durang natija qayd etdik. Bugun yaxshi uchrashuv o'tkazdik deb o'ylayman. Ayni damda “Iftixor” klubimiz Pro-Liga “V” guruhi turnir jadvalida 6-o'rinni egallab turibdi. Biz jamoamiz azolari bilan har bir uchrashuvda g'alaba uchun astoydil harakat qilayapmiz, nasib etsa mavsum yakunida yuqori o'rinlarni egallaymiz degan umiddaman.
O'zbek futbolida Odil Ahmedov kabi etakchi futbolchi bo'lishni orzu qilaman. Kunlar kelib o'z ustimda yanada ko'proq ishlab, O'zbekiston terma jamoasida o'ynashni, terma jamoa tarkibida jahon chempionatlarida maydonga tushish istagim bor.

Bekzod Tolibov yozib oldi.

Teglar: yursinali, topvoldiev, odil, ahmedov, kabi, futbolchi, bolishni, orzu, qilaman,
← Oldinga Orqaga →