“Navbahor”ning kechagi mashg'uloti haqida FOTOGALEREYA

Tushlikdan keyingi mashg'ulot shahardagi “Navbahor-Umid” futbol maktabining suniy maydonida bo'lib o'tdi.

Soat 15:00da boshlangan mashg'ulot qariyb 1 soat davom etdi. Tarkibdagi jiddiy o'zgarishlar yo'q. Mo'ydin Mamazulumov (“Lokomotiv”), Akram Bahridinov (“Navbahor”), Obid Jo'raboev (“Olmaliq”), Sanjar Asqaraliev (“Andijon”), Temur Ayupov (“Buxoro”), Zokirshox Nurmatov (“Neftchi”) kabi oliy liga klublaridan tashrif buyurgan futbolchilar bilan birga quyi ligadan ham ko'plab yoshlar ayni damda “lochinlar”ning o'quv-yig'in mashg'ulotlarida o'zidan yaxshi taassurot qoldirish maqsadida astoydil ter to'kmoqda. 

Mashg'ulotlarda bosh murabbiy Rashid G'ofurovga yaqin o'tmishning mohir hujumchlaridan biri bo'lgan SHuhrat Mirxoldirshaev yaqindan yordam berayotganini aytish joiz. Takidlash lozimki, SHuhrat Mirxoldirshaev mashg'ulot chog'ida futbolchilarga nisbatan talabchanligi bilan etiborimizni tortdi. Murabbiy sifatida ham astoydil ishlashni istayotganini payqash qiyin emas. SHuningdek mahalliy murabbiylar – Mustafo Bayramov bilan SHerzod Jo'raev ham asosiy tarkib mashg'ulotlarida ishtirok etmoqda. Bu murabbiylar o'tgan yili yoshlar jamoasida faoliyat yuritgandi. Ayni damda esa yoshlar bilan Durbek Umaraliev mashg'ulot o'tkazayotgani malum bo'ldi. Aytishlaricha namanganliklarning yig'ini 15 yanvardan Toshkentga ko'chadi. Poytaxtdagi yig'in chog'ida etiborga molik transferlar amalga oshirilishi kutilmoqda. Bu haqda bosh murabbiy Rashid G'ofurov saytimizga bergan intervyusida malum qildi. Bu haqda keyinroq. Saytimizni kuzatib boring.

Islombek Rustambekov.