Rejalar ulkan, Madridda er sharidagi eng yaxshi futbol stadionini qurishlari mumkin.
- "Real" rekonstrukciya paytida "Santyago Bernabeu"dagi o'rindiqlar sonini oshirmaydi, chunki ular hukumatdan ruxsat ola bilishmadi. "Bernabeu" 10-12 metr balandroq bo'ladi (hozirgi balandlik 45 metr). Tribunalar qaytadan jihozlanadi, hozircha qandayligi malum emas, ammo avvalgidan qulayroq bo'lishi aniq. Arena hududidagi to'rtta evakuacion minoralar buziladi.
- "Real" klub muzeyini kengaytiradi va arena hududida mehmonxona quradi.
- Stadion ustida harakatlanadigan tom bo'ladi - u maydonni to'liq yopa oladi.
- Arenaning ichki tomonida "Krasnodar"niki kabi 360 graduslik videotablo o'rnatiladi.
- Maket ko'rsatilgan rasmiy videoda ikki kibersport jamoasi ko'rsatilgan - Isurus Gaming va Furious Gaming. Demak, rekonstrukciyadan so'ng stadionda kibersport hududi paydo bo'ladi.
- Faqat stadion emas, balki uning atrofidagi hudud ham o'zgaradi. Plaza de los Sagrados Corazones savdo markazi buziladi va arena hududida 6000 kvadrat metrlik park quriladi. Plaza de los Sagrados Corazones mashina turargohida, piyodalar yo'lagi yaratiladi.
- Rekonstrukciyaga 2017 yilning may oyida ruxsat berilgan, qurilish ishlari 2019 yilning boshida start oladi va 3,5 yil davom etadi. "Real" 1947 yildan beri "Santyago Bernabeu"da o'ynab kelmoqda.
- Rekonstrukciya uchun taxminan 525 mln evro sarflanadi. Florentino Peresning so'zlariga ko'ra, yangilangan "Bernabeu" yiliga 150 mln evro daromad keltiradi.
Peres 2016 yilda "Santyago Bernabeu" rekonstrukciyadan so'ng nomini saqlab qolishini aytgan edi, ammo unga homiy nomi qo'shilishi mumkin. Klub rekonstrukciya International Petroleum Investment Company investiciya kompaniyasi qoplashi rejalashtirilgan edi.
TAS-IX
Bosh sahifaga
159