Turni mamlakatning amaldagi chempioni PSJ ishtirokidagi o'yin yakunlab berdi. Parijliklar o'z maydonida "Reyms"ni qabul qildi va 4:1 hisobida g'alaba qozondi. O'yinda Kavani dublga erishgan bo'lsa, Neymar va Mene bittadan gol urishdi. Mehmonlar safida esa Xaver CHavalerin yagona javob to'pini kiritdi.
Etiborli tomoni, ushbu bellashuvni bevosita Parijdagi "Park de Prans" stadionida tomosha qilish uchun basketbol afsonasi Maykl Jordan tashrif buyurdi. Jordan bugungi kunda "SHarlott" klubi xo'jayini hisoblanadi.
Sentyabr oyining boshida PSJ CHempionlar ligasida Maykl Jordan ismi bilan nomlangan brenddagi formalarda o'ynashini va uy stadionida birgalikdagi ilk kollekciyalar taqdimoti o'tkazilishini elon qilgan edi.
Basketbol afsonasi Maykl Jordan ajoyib sakray olishi sabab "Air Jordan" laqabini olgan. 1984 yilda Jordan "Nike" kompaniyasi bilan reklama shartnomasini imzolaydi. Unga ko'ra, kompaniya Maykl uchun maxsus "Air Jordan" krossovkalarini ishlab chiqaradi. Ushbu loyixa shu darajada muvaffaqiyatga erishadi-ki, "Air Jordan" alohida dunyoga mashxur brendga aylanib ketadi. PSJ ham ECHLda aynan "Air Jordan" brendi taqdim etgan liboslarda to'p tepdi. Buyuk Jordan haqida uzundan-uzun hikoyalarni yozishimiz mumkin, lekin bu futbolga oid xabar bo'lgani uchun hozircha shu joyda to'xtaymiz)
PSJ - "Reyms" uchrashuvidan so'ng parij klubi prezidenti Nosir Al-Xelayfi Maykl Jordanga PSJning 23-raqamli maxsus formasini sovg'a qildi. Maykl basketbolchilik davrida aynan 23-raqamda o'ynaganidan xabardorsiz.
Franciya chempionati turnir jadvali >>>>> Liga 1
Bosh sahifaga
736