Kechagidek yodimizda, dastavval bizga bu quvonchi Aleksey Evstafeev boshchiligidagi terma jamoamiz taqdim etgan edi. O'zbekistonda bo'lib o'tgan Osiyo chempionatida finalga qadar etib borgan 1994 yilda tavallud topgan futbolchilarimiz Meksika yo'llanmasini qo'lga kiritgan edilar. Oradan ikki yil o'tib Dilshod Nuraliev boshchiligida biz BAAdagi mundial chiptasiga ega chiqqanmiz.
O'smirlar o'rtasida bo'lib o'tayotgan Osiyo chempionatida ikkinchi marotaba mundialga chiqishga yaqin turgan Hindiston va Tojikiston terma jamoalari buning uchun koreyaliklarni mag'lubiyatga uchratishlari kerak. KXDR qo'shnilarimiz bilan bahs olib borishsa, hindlar janubliklarga qarshi. Tojikiston terma jamoasi JCHdagi debyutini 2007 yilda amalga oshirgan edi. Hindiston terma jamoasi esa 2017 yilgi JCH mezboni sifatida to'g'ridan-to'g'ri musobaqada qatnashgan.
Osiyo terma jamoalari ichida JCHda ishtirok etish bo'yicha eng yaxshi ko'rsatgich kun chiqar yurt vakillarida. Lekin hech bir osiyolik Saudiya Arabistoniga teng kela olmaydi. Saudiyaliklar SHotlandiyada bo'lib o'tgan mundial finalida mezbonlarni penaltilar seriyasida mag'lubiyatga uchratgan holda chempionlikni qo'lga kiritgan edilar.
Afsuski 2008 yildan beri muntazam ravishda Osiyo chempionatida ishtirok etib kelgan terma jamoamiz, 2018 yilgi musobaqadan chetda qoldi.
Quyida JCHda eng ko'p ishtirok etgan terma jamoalar ro'yhati bilan tanishishingiz mumkin.
Yaponiya - 8
Qatar - 7
Xitoy - 6
Janubiy Koreya - 5
Eron - 4
Ummon - 3
BAA - 3
Saudiya Arabistoni - 3
Bahrayn -2
O'zbekiston - 2
Iroq - 2
Suriya - 2
Tailand - 2
Yaman - 1
Hindiston -1
Tojikiston - 1
Vikipediya malumotlari asosida
Bosh sahifaga
254