Ushbu turdan o'rin olgan muhim uchrashuvlar haqida qisqacha to'xtalib o'tamiz.
"Barselona" - "Atletik"
Kutilmaganda "Lenages"ga mag'lub bo'lgan Kataloniya klubi "Tottenxem"ga qarshi bo'ladigan CHempionlar ligasi uchrashuvidan oldin o'ziga bo'lgan ishonchni tiklash uchun "Atletik"ni taslim etishga harakat qiladi. "Barselona" ustozi Ernesto Valverde bugun jarohat olgan Samuel Yumtitisiz tarkibni maydonga tushiradi. Bilbao klubi kataloniyaliklar uchun "shporalar"ga qarshi bahs oldidan tayyorgarlik vazifasini o'tab beradi. Katta ehtimol bilan Yumtiti joyini bugun Tomas Vermalen egallashi kutilmoqda.
Qiziqarli malumotlar
- "Barselona" "Kamp Nou"dagi so'nggi 39ta uchrashuvda mag'lub bo'lmagan.
- Kataloniya klubi "Atletik"ga qarshi so'nggi 3ta o'yinda darvozasini "quruq" saqlab qolgan.
- Ko'k-anorranglilar uyida o'tkazgan so'nggi 34ta uchrashuvning (LaLiga doirasida) 31tasida kamida 2ta gol urishga muvaffaq bo'lgan.
"Eybar" - "Sevilya"
Sevilyaliklar ayni damda juda yaxshi kayfiyatda. Ular avvalgi turda "Qirollik klubi"ni yirik 3:0 hisobida mag'lub etishdi. Biroq jamoada yo'qotishlar bor. Serxio Eskudero, Gabriel Merkado, Maksime Gonalons, Ibrohim Amadu va Aleyks Vidal jarohat olgan. "Eybar" avvalgi mavsumda o'z uyida bo'lgan bahsda "Sevilya"ni 5:1 hisobida mag'lub etgan edi, biroq joriy mavsumda jamoa barqaror o'yin ko'rsatmayapti.
"Real" - "Atletiko"
Ushbu turning markaziy uchrashuvi Madridning ikki klubi o'rtasida o'tkaziladi. "Santyago Bernabeu" egalari hisoblanadigan "Real" "Atletiko"ni qabul qiladi. Ushbu jamoalar o'rtasidagi so'nggi bahs UEFA Superkubogi doirasida bo'lib o'tgan. O'sha o'yinning asosiy vaqti durang bilan yakunlangan, qo'shimcha bo'limlarda esa "matraschilar" raqib darvozasini ishg'ol qilib, sovrinni qo'lga kiritishgan. "Real" ushbu bahs oldidan "Sevilya"ga yirik hisobda mag'lub bo'ldi. Lopetegi va uning shogirdlari g'alabaga juda chanqoq. "Qirollik klubi" Krishtianu Ronaldu ketganidan so'ng avvalgiga nisbatan kuchliroq o'yin ko'rsatishmoqda, biroq muhim pallalarda jamoaga etakchi etishmayapti. Bugun "Real" safida Isko, Marselo maydonga tusha olmaydi.
"Atletiko" esa bu mavsum barqaror o'yin ko'rsata olmayapti. Diego Simeone jamoasi himoyaga yotib olgan raqiblarni yorib o'tishda katta qiyinchiliklarga duch kelmoqda. "Matraschilar" "Real"ga qarshi bahsga yaxshi kayfiyatda kelmoqda, chunki ular LaLiga va CHempionlar ligasidagi so'nggi uchrashuvlarda g'alabaga erishishdi. "Atletiko" tarkibida ham yo'qotishlar mavjud. Xose Ximenes, Santyago Arias va Stefan Savichda jarohat bor.
Qiziqarli malumotlar
- "Real" hamda "Atletiko" o'rtasidagi so'nggi 3ta uchrashuv durang bilan yakunlangan.
- "Atletiko"ning mehmondagi so'nggi 5ta o'yinida (LaLiga doirasida) ko'pi bilan 2ta gol urilgan.
7-turning barcha uchrashuvlari
LaLiga turnir jadvali
LaLiga to'purarlar ro'yxati
Bosh sahifaga
1103