Bugungi raqibimiz “Istiqlol” jamoasini g'alaba bilan tabriklaymiz. “Istiqlol” jamoasi bilan bo'lgan bugungi uchrashuvdan ko'rib xulosa qildim, biz bu jamoa bilan o'ynasak bo'larkan, xatto yutsak ham bo'ladi. Bugungi uchrashuvda raqiblarmizdan kuchsiz o'yin namoyish etmadik, shunchaki ayrim vaziyatlarda bizdan omad yuz o'girdi.
Uchrashuv davomida jamoamiz darvozaboniga qizil kartochka ko'rsatildi, bunga etirozimiz yo'q, shunchaki ko'plab vaziyatlarda omadimiz kelmaganidan ikkinchi bo'limda jamoamiz futbolchilari asabiylashishdi. Umuman olganda yaxshi uchrashuv bo'ldi. Keyingi turda aynan “Istiqlol” bilan uchrashamiz, yuqorida aytganimdek bu jamoa bilan o'ynasak bo'larkan, uydagi uchrashuvda albatta 3 ochko qo'lga kiritishga harakat qilamiz.
Bu yil jamoamiz oldida mavjud qarzlardan qutulish, o'yinlarimizni yanada kuchaytirish, Pro-Ligada munosib ishtirok etish vaziflari qo'yilgan. Aytish mumkinki, klubimiz infratuzilmasi yaxshi darajada, “SHo'rtan” o'z vaqtida xalqaro maydonlarda to'p surganligini barcha yaxshi biladi. O'ylaymanki klubimiz yana Superligaga qaytadi, bunga bizni imkoniyatimiz etadi. Superliga talablari bo'yicha futzal, ayollar jamoasi, yoshlar jamoasi, bular bizda bor, faqat ozgina vaqt va sabr, keyingi mavsumda nasib etsa hammasi iziga tushib ketadi.
Bekzod Tolibov yozib oldi.
Bosh sahifaga
987