"Jenoa" jamoasi mehmonda "Frosinone" ustidan 2:1 hisobida g'alaba qozondi. Uchrashuvda genuyaliklarning har ikki goliga ham chempionat to'purari Kshishtof Pentek mualliflik qildi. SHu tariqa, 23 yoshli polshalik forvardning A Seriyadagi gollari soni 8taga etdi va u to'purarlar poygasida yakka peshqadam.
Kshishtof A Seriyadagi birinchi 6ta o'yinda gol urish borasida "Milan" klubi va Italiya chempionati afsonasi Andrey SHevchenkoni ham ortda qoldirdi. SHeva o'zining Apennin yarimorolidagi dastlabki oltita o'yinida 7ta gol urgan edi.
Italiya A Seriyasida birinchi 6ta o'yinda eng ko'p gol urgan o'yinchilar:
Kshishtof Pentek ("Jenoa"): 8ta gol
Andrey SHevchenko ("Milan"): 7ta
SHeyk Diabate ("Benevento"): 7ta
Ronaldo ("Inter"): 5ta
Diego Milito ("Jenoa"): 5ta.
Pentek A Seriyada 8ta gol urishdan tashqari, Italiya kubogida "Lechche" darvozasiga 4ta to'p kiritgan. Yani, Pentek hozircha barcha musobaqalar doirasida 7ta o'yinda 12ta gol urdi. Polshalik forvard Italiyada har 50 daqiqada bittadan gol urmoqda.
Ha, tez orada bu hujumchini sotib olishni xohlagan grand klublar safi kengayib ketishi aniq.
Bosh sahifaga
275