Avval xabar berganimizdek, Toshkentdagi uchrashuvga boradigan muxlislarga qulaylik yaratish maqsadida avtomashinalarga Namangan viloyati hokimligi, Namangan shahar hokimligi va klub rahbariyati tomonidan bepul gaz quyib beriladi. Avtomobilingizga gaz quyib berilishi uchun o'yin kuni yani 3 oktyabr kuni soat 8:00dan 12:00gacha sizga «Muxlislar bilan ishlash bo'limi» boshlig'i Farhod Umaraliev tomonidan kartochka beriladi. Kartochkani stadionni oldidagi avtostoyanka yoki zapravkada (qaysi zapravka ekanligini kanalimiz orqali malum qilamiz) olishingiz mumkin. Kartochkani olish uchun sizda va siz bilan hamroxlik qiladigan muxlislarda quyidagilar bo'lishi shart:
«Navbahor» atributkalari, bayroq, sharf yoki jamoamiz logotipi tushirilgan qizil kepka.
Avtomobil salonida o'tiradigan besh nafar (shafyorda ham) muxlisda jamoa ramzi hisoblangan qizil libos bo'lishi shart!
QAYTARAMIZ, SIZDA YUQORIDA KELTIRILGANIDEK QIZIL LIBOS BO'LISHI SHART!
Sizda yuqorida sanab o'tilganlar bo'lsagina, klub tomonidan bir martalik gaz zaprafkaga bepul kartochka beriladi. Kartochkani esa «Muxlislar bilan ishlash bo'limi»dan olishingiz mumkin.
Muxlislarimizga shuni aytib o'tmoqchimizki, jamoamiz «Navbahor»ni navbatdagi turda munosib tarzda qo'llab-quvvatlash maqsadida ana shu jixatlarga etibor qilmoqdamiz va aytib o'tilgan jixatlar sizda bo'lishi lozim. Barcha muxlislarimizni navbatdagi turda bo'ladigan qiziqarli uchrashuvda sevimli jamoamiz «Navbahor»ga o'n ikkinchi o'yinchi bo'lib, «lochinlar»ni munosib tarzda qo'llab-quvvatlash uchun va shu bilan birgalikda shiddatli bahsni stadiondan turib tomosha qilish uchun poytaxtdagi «Milliy» o'yingohga chorlab qolamiz.
Eslatib o'tamiz, «Bunyodkor» - «Navbahor» uchrashuvi 3 oktyabr kuni soat 20:00da boshlanadi.
Bunyodkor bilan o'yinga boradigan muxlislar diqqatiga!
/ Kiritdi: BestMaster O'qilgan: 308
Bosh sahifaga
237