Jumladan, O'FA tomonidan Andijon hamda Namangan viloyatlarida murabbiylarning kasbiy malakasini oshirish, murabbiylik sohasidagi yangiliklar bilan muntazam tanishtirib borish maqsadida bilimlarni yangilash o'quv kurslari tashkil qilingani haqida xabar bergan edik.
Murabbiylar bilimlarini yangilash kurslarining navbatdagisi Toshkent shahrida start oldi. O'quv kurslari O'FA instruktori Dmitriy Kim tomonidan olib borilmoqda. Unga inspektor assistenti Yuriy Arslanov hamda koordinator Davletmuratov Oybek yordam berishmoqda.
Yangi tizimga ko'ra, bilimlarni yangilash o'quv kurslari 2 moduldan iborat bo'lib, 1-modul 5 kun davom etadi. 5 kun davomida murabbiylar futboldagi yangiliklardan xabardor qilinadi. So'ngra murabbiylar bir oy davomida o'rgangan bilimlarini ish joylarida amalda tadbiq qilishadi. 1 oylik muddat nihoyasiga etgach, 2-modulga start beriladi va u 4 kun davom etadi. 4 kunlik muddat davomida murabbiylar amaliy hamda nazariy imtixonlar topshirib, ularga yuklatilgan vazifalarni prezentaciya tarzida himoya qilishadi.
SHuningdek, ertaga 4 oktyabr kuni Qarshi shahrida Qashqadaryoda faoliyat olib borayotgan murabbiylar uchun bilimlarni yangilash kurslari boshlanadi.
Bosh sahifaga
1431