"Qo'qon-1912": Mashg'ulotlarga yangi futbolchilar kelib qo'shildi
/ Kiritdi: BestMaster O'qilgan: 875
Yangi mavsumga jiddiy hozirlik ko'rayotgan "Qo'qon-1912" mashg'ulotlarga zur bermoqda.
Murod Ismoilov boshchiligidagi murabbiylar shtabi esa tarkibni shakllantirish borasidagi selekciya ishlarini davom ettirishmoqda. Kechagi mashg'ulotga yangi futbolchilar kelib qo'shildi. Bular o'tgan mavsumning ikkinchi qismini “Qo'qon-1912” jamoasi safida o'tkazgan Ilhom Komilov va anchadan beri kelishi kutilayotgan Ildar Mamatkazin.
Yuqorida aytib o'tganimizdek, Ilhom Komilov o'tgan yili jamoamiz safida to'p surgan va muxlislarda yaxshi taassurot qoldirgan. Yangi mavsumni ham “Qo'qon-1912” jamoasi tarkibida o'tkazishni xohlagan himoyachi kechadan mashg'ulotga qo'shildi.
Ildar Mamatkazin esa o'tgan mavsumni Samarqandning “Dinamo” klubida o'tkazgan.
SHuningdek, “Oq-tepa” klubining ikki futbochlisi hujumchi Abdul Aziz Yusupov va himoyachi Zafar Qoraqulovlar ham jamoamizning Toshkentdagi yig'iniga qo'shilishdi. Yusupov o'tgan mavsum birinchi ligada 17 ta gol urdi. Zafar Qoraqulov esa “Oq-tepa” safida eng ko'p o'yinda maydonga tushdi.
Bu futbolchilarning jamoada qolish-qolmasligi yaqin kunlarda oydinlashadi.
Bosh sahifaga
853