championat.asia mazkur tur anonsini taqdim etadi.
Tur Tula shahrida "Arsenal" va "Ufa" klublari o'rtasidagi bahs bilan boshlanadi. Musobaqa jadvalining so'nggi pog'onalarida borayotgan jamoalar o'rtasidagi bahs bemalol "6 ochko" uchun deb aytish mumkin.
Vitaliy Denisov o'ynayotgan "Krilya Sovetov" ertaga o'z maydonida Moskvaning "Dinamo" klubini qabul qiladi. 7 ochko bilan 16ta klub orasida 15-o'rinda borayotgan samaraliklar oxirgi uchta turda uch marta mag'lub bo'ldi. "Krilya Sovetov" 9ta turda atiga 3ta gol urishga erishdi.
Bu tur Rossiyada o'zbekistonlik futbolchilar to'qnashuvi bo'lishi mumkin Eldor SHomurodov faoliyat olib borayotgan "Rostov" o'z uyida Vadim Afonin to'p tepayotgan "Orenburg"ni qabul qiladi. Valeriy Karpin shogirdlari ayni paytda 18 ochko bilan uchinchi o'rinda borishmoqda. Afonin jamoasi esa 8-pog'onadan joy olgan.
Rossiya premer-ligasida eng ko'p ochko to'plagan ikki klub bu tur o'zaro to'qnash kelishadi. Sankt-Peterburgning "Zenit" klubi o'z uyida "Krasnodar"ni qabul qiladi. Semak jamoasi birinchi, Murad Musaev shogirdlari ikkinchi o'rinni egallab turishibdi.
Ushbu turda Moskvada poytaxt derbisi bo'lib o'tadi. Evropa chempionlar ligasida sensacion tarzda "Real"ni mag'lub etgan CSKA ECHLda "SHalke"ga yutqazgan amaldagi Rossiya chempioni "Lokomotiv"ni qabul qiladi.
CSKA hujumchisi Fyodor CHalov 7ta gol bilan ayni paytda to'purarlar poygasida yakka peshqadam bo'lib turibdi.
Rossiya. 10-tur juftliklari
5 oktyabr
21:30 - ARSENAL - UFA
6 oktyabr
16:00 - KRILYA SOVETOV - DINAMO
18:30 - ROSTOV - ORENBURG
21:00 - RUBIN - URAL
7 oktyabr
13:30 - ENISEY - SPARTAK
16:00 - AXMAT - ANJI
18:30 - ZENIT - KRASNODAR
21:00 - CSKA - LOKOMOTIV
Bosh sahifaga
1405