1) Hafta uchrashuvi
"Manchester Siti"ning "Enfild"da bo'ladigan mezbonlarga qarshi o'yini jamoa uchun eng muhim o'yinlardan biri bo'ladi", - deb fikr bildirgandi shaharliklarning tajribali himoyachisi Vinsent Kompani. Belgiyalik himoyachi o'ylaganidek klublar saviya jihatidan bir-biriga mos bo'lsa, bu borada Gvardiola shogirdlariga birmuncha engil bo'lishini aytib o'tish kerak. Masalan, amaldagi APL chempioni so'nggi uchta uchrashuvni "o'rtamiyona" deb hisoblanadigan: "Oksford", "Brayton" hamda Bundesliga jamoasi "Xoffenxaym"ga qarshi o'tkazdi va bir qator rotaciyalarni amalga oshirgan holda, ushbu klublarni deyarli qiyinchiliksiz mag'lub etdi. Yurgen Klopp shogirdlari bu mavsum daxshatli startni amalga oshirdi (7 o'yin, 6 g'alaba, 1 durang). Lekin, mazkur muvaffaqiyatli startdan so'ng, mersisaydliklar qiyinchiliklarga duch kelganini oxirgi uchta bahs natijalaridan bilib olish mumkin. Angliya Kubogida "CHelsi"dan uchralgan mag'lubiyat, chempionatda "aristokratlar" bilan durang hamda ECHL ikkinchi turi doirasida "Napoli"ga qarshi to'qnashuvdagi alamli mag'lubiyat buni ko'rsatib turibdi. Salah etakchiligidagi "Liverpul" hozirda ham ruxan, ham jismonan toliqqan bir paytda "Manchester Siti"ga qarshi o'z maydonida kurash olib boradi. Statistikani chetga surib qo'ygan holda, shuni aytish kerak, "Enfild"da muxlislarning ko'magi "qizillar"ning g'alaba qozonishi uchun juda ham muhim.
2) Benitez Mourinoning MYUdan ketishiga "yordamlashib yuboradimi"?
Hozirda Joze Mourinoning holatini "ignani ustida o'tirgan odam"ga o'xshatish qo'pol bo'lsa-da, o'rinlidek. Boisi, "Manchester Yunayted" bu mavsumda yorqin o'yin ko'rsata olmayapti. Uy uchrashuvlaridagi sust va betartib o'yin, "Special One" shogirdlari bilan o'zaro munosabatlarning yomonlashuvi, klub rahbarlariga "murabbiy almashtirish" payti kelganini ko'rsatib bermoqda. Benitezning autsayderlar qatorida borayotgan "Nyukasl" jamoasini va muammolar girdobidan boshi chiqmayotgan Mourinoning ushbu (balki klubdagi oxirgi o'yini) uchrashuvga yondashuvini ko'rish juda qiziqarli bo'ladi. Zero, shu mavsumning o'zida bir qator klublar "Old Trafford"dan bemalol ochko olib keta olishdi.
3) Xarri Uinks uchun ajoyib imkoniyat!
"Tottenxem" yarim himoyachisi may oyida olgan jarohatidan so'ng klub asosiy tarkibida qolish uchun bor kuchi bilan harakat qilmoqda. ECHL 2 turida "Barselona"ga uchralgan mag'lubiyat (2:4)dan kerakli xulosa chiqarib olishi 22 yoshli futbolchi uchun muhim. U o'tgan mavsumda ajoyib paslari orqali "Real"ni mag'lub etilishida asosiy omil bo'lgandi. Premer-liganing "Kardiff Siti"ga qarshi bahsida Dele Alli, Kristian Eriksen, Musa Dembele kabi futbolchilar jarohat sababli maydonga tusha olishmaydi. Bu yaqindagina Angliya MTJdan chaqiruv olgan Uinks uchun juda muhim palla hisoblanadi. CHunki, futbolchilar jarohati paytida Pochettino jamoa o'yinini aynan Xarri Uinks atrofida qurishi mumkin.
Nodir Abdurasulov tarjimasi
Bosh sahifaga
204
