TTYMI stadionida 16:30da boshlangan mashg'ulotni yoritish maqsadida "championat.asia" muxbirlari ham tashrif buyurishdi. Mashg'ulotni kuzatib borayotgan muxbirlarimizning xabar berishicha, terma jamoa tarkibida bitta o'zgarish bor. "Navbahor" darvozaboni Botirali Ergashevning o'rniga mashg'ulotda AGMK kiperi Roman Abdulov qatnashmoqda.
O'FA matbuot xizmati bergan ro'yxatdan Botirali Ergashev joy olgan edi. Ammo, olgan malumotlarimizga ko'ra Botiralida jarohat bor va u operaciya qilinadi. SHu sabab, uning o'rniga oxirgi vaqtlarda Superligada o'zini ko'rsatayotgan Abdulov chaqirilgan.
O'zbekiston terma jamoasi mashg'ulotida ayni pallada 20 nafar futbolchi ishtirok etmoqda. Faqatgina 4 nafar legionerlarimiz Odil Ahmedov (“SHanxay SIPG”), Eldor SHomurodov (“Rostov”), Otabek SHukurov (“SHarja”) va Doston Hamdamov (“Anji”)lar o'z klublarida bugun va ertaga o'tkaziladigan tur o'yinlaridan so'ng terma jamoa ixtiyoriga kelib qo'shilishadi.
Bosh sahifaga
1802