Kuning birinchi yarmida Toshkentdagi "City Palace" mehmonxonasida to'plangan terma jamoamiz ilk mashg'ulotni soat 16:30da TTMI stadionida o'tkazdi.
Mashg'ulotda yig'inga jalb etilgan 4 nafar (Odil Ahmedov, Eldor SHomurodov, Doston Hamdamov va Otabek SHukurov) legionerlardan tashqari barcha futbolchilar ishtirok etishdi. Legionerlar esa dam olish kunlari bo'lib o'tadigan tur uchrashuvlaridan so'ng terma jamoamiz ixtiyoriga etib kelishadi.
Ektor Kuper mazkur yig'inga taklif etgan futbolchilar ro'yxati:
Darvozabonlar:
Ignatiy Nesterov (“Lokomotiv”)
Eldor Suyunov (“Paxtakor”)
Roman Abdulov (AGMK)
O'tkir Yusupov (“Qo'qon-1912”)
Himoyachilar:
Egor Krimec (“Paxtakor”)
Anzur Ismoilov (“Lokomotiv”)
SHerzod Azamov (“Paxtakor”)
Doston Tursunov (“Neftchi”)
Oleg Zoteev (“Lokomotiv”)
Vladimir Kozak (“Paxtakor”)
Akmal SHorahmedov (“Paxtakor”)
Davron Hoshimov (“Navbahor”)
Yarim himoyachilar:
Odil Hamrobekov (“Nasaf”)
Aziz Haydarov (“Bunyodkor”)
Jaloliddin Masharipov (“Paxtakor”)
Javohir Sidiqov (“Qo'qon-1912”)
Ikrom Aliboev (“Lokomotiv”)
Odil Ahmedov (“SHanxay SIPG”, Xitoy)
Eldor SHomurodov (“Rostov”, Rossiya)
Otabek SHukurov (“SHarja”, BAA)
Doston Hamdamov (“Anji”, Rossiya)
Hujumchilar:
Ivan Nagaev (“Qizilqum”)
Marat Bikmaev (“Lokomotiv”)
Husniddin G'ofurov (“Lokomotiv”)
Kuper elon qilgan tarkibdan o'rin olgan darvozabon Botirali Ergashev jarohati bois mazkur yig'inda ishtirok emasligi oydinlashdi. Uning o'rniga esa oxirgi paytlarda Superligada ishonchli o'yinlari bilan etibor qozongan, o'tgan turda saytimiz orqali "tur darvozaboni" deya etirof etilgan AGMK posboni Roman Abdulov chaqirilgan.
O'zbekiston terma jamoasining bugungi mashg'ulotida Kuper yordamchisi, jismoniy tayyorgarlik bo'yicha javobgar mutaxassis Antonio Sarioglu ko'rinmadi. Malum bo'lishicha, jismoniy tayyorgarlik bo'yicha mutaxassis bugun kechqurun Toshkentga uchib keladi va ertadan futbolchilarni shug'ullantirishni boshlaydi. Qolgan murabbiylar shtabidagi mutaxassislar o'z o'rnida ishni davom ettirishmoqda.
Denis Ivankov odatdagidek darvozabonlar bilan ishni davom ettirmoqda. Uning qo'l ostida o'tgan yig'inga nisbatan ikkita yangi nom paydo bo'lgan. Terma jamoadan ilk bor chaqiruv olgan "Qo'qon-1912" darvozaboni O'tkir Yusupov hamda AGMK kiperi Roman Abdulov qolgan hamkasblari Ignatiy Nesterov va Eldorbek Suyunov singari mashg'ulotlarda qattiq ishlashmoqda.
Futbolchilarni yigalyozdi mashqlarini esa Kuperning yana bir yordamchisi Mahmud Fayoz Muhammad o'tkazmoqda. Karlos Fantagucci esa taktik tahlil bilan shug'ullanmoqda.
SHuningdek, o'tgan yig'inda terma jamoamiz bosh mamuri bo'lgan Baxtiyor Ismoilov o'rniga Sarvar Tojiev ishni davom ettirmoqda. Qolgan o'zgarishlar hozircha kuzatilgani yo'q.
Eslatib o'tamiz, "Krilya Sovetov"da o'ynayotgan himoyachimiz Vitaliy Denisov jarohati bois mazkur yig'inga chaqirilmagani O'FA tomonidan aytilgandi.
FOTOGALEREYA. O'zbekiston MTJning mashg'uloti
Ektor Kuper etiboriga tushgan va ro'yxatga kirmagan futbolchilar haqida
Kuper MTJga chaqirmagan futbolchilarning "jahli" chiqdi
TAS-IX
TAS-IX emas
FOTOGALEREYA. O'zbekiston MTJning mashg'uloti
Foto: Narzulla Saydullaev - "Facebook", "Instagram"
Video: Jahongir Fayzullaev - "Instagram"
SHahboz Beg'amov - "Telegram", "Instagram", "Twitter", "Facebook"
Bosh sahifaga
280
