Dortmundda mehmon bo'lgan "Augsburg" jamoasi "Borussiya"ga chinakamiga kurash taklif etdi. O'yindagi dastlabki golni o'tgan turda xet-trik qayd etgan Alfred Finnbogasonning urdi va jamoasini hisobda oldinga olib chiqdi.
Tanaffusdan so'ng zaxiradan maydonga tushgan sobiq "Barselona" hujumchisi Pako Alkaser muvozanatni tiklovchi javob to'pini kiritdi.
Oradan ko'p o'tmasdan Andre Xanning uztmasidan Filipp Maks unumli foydalandi va "Augsburg"ni hisobda oldinga olib chiqdi.
Biroq o'yin tugashiga 10 daqiqa qolganida Pako Alkaser yana bir bor oradagi farqni yo'qqa chiqardi. Zaxiradan o'yinni kuchaytirish uchun tushirilgan Mario Gyotce esa 84-daqiqa o'z nomini tabloda yozib qo'yib, jamoasini g'alaba sari etaklashga chorladi.
Lekin Manuel Baum jamoasi Myunxenda bo'lgani kabi o'yin tugashiga sanoqli daqiqalar qolganida vaziyatni o'nglovchi golni urishga muvaffaq bo'lishdi. Gregorich bu safar jamoa haloskori bo'lishga urindi.
Ammo bu hali o'yinga qo'yilgan oxirgi "nuqta" emasdi. Hakam tomonidan qo'shib berilgan daqiqalarning oltinchida Pako Alkaser Dortmundga g'alaba keltirgan, o'zining esa o'yindagi uchinchi goliga aylangan to'pni kiritdi - 4:3.
SHu tariqa gollarga boy va dahshatli scenariy ostida o'tgan uchrashuvda Lyusen Favr jamoasi haqiqiy iroda namoyish etdi va peshqadamlikni saqlab qoluvchi muhim g'alabani rasmiylashtirdi.
Kuning ikkinchi bahsida esa "SHalke" Dyusseldorfdan ishonchli g'alaba bilan qaytdi. Makkenni va Burgshtallerning gollari gelzerkirxenliklarga mavsumdagi ikkinchi g'alabani tuhfa etdi.
CHempionat etakchilaridan biri bo'lib turgan "Gerta" esa Bundesligada eng kam gol o'tkazgan "Maync" darvozasiga yo'l topa olmadi. SHuningdek, mezbonlar ham mehmonlarni ranjitishni uddasidan chiqa olishmadi. Natijada mazkur bahsda nursiz durang qayd etildi.
Kunning oxirgi o'yini birozdan so'ng Myunxenda "Bavariya" - "Borussiya" Myonxengladbax o'rtasida kechadi. Qolgan uchta bahs esa ertaga o'tkaziladi.
Bundesliga, 7-tur.
Borussiya D – Augsburg 4:3 (0:1, 4:2)
«Signal Iduna Park»
Gollar: 0:1 – 22 Finnbogason, 1:1 – 62 Pako Alkaser, 1:2 – 71 Maks, 2:2 – 80 Pako Alkaser, 3:2 – 84 Getce, 3:3 – 87 Gregorich, 4:3 – 90 Pako Alkaser.
Borussiya D – Byurki, Akandji, Diallo, Xakimi, Zagadu, Vitcel, Vaygl (Getce, 77), Bruun Larsen (Gerreyru, 69), Sancho, Roys, Filipp (Pako Alkaser, 59).
Augsburg –Lyute, Gaueleu, Maks, Framberger, Xinteregger, Bayer (Getce, 64), Xedira, Gregorich, Xan (Moravek, 75), Kayubi, Finnbogason (Kordova, 83).
Ogohlantirishlar: Bayer (4), Xan (42), Roys (52), Xedira (54), Gaueleu (59), Kayubi (63), Finnbogason (79), Kordova (90).
 Borussia Dortmund Francisco Alcacer - 62', Francisco Alcacer - 80', Mario Goetze - 84', Francisco Alcacer - 90' | 1. Bundesliga . 7-tur 06/10/2018, 18:30 3 : 4 Tugadi |  Augsburg Alfred Finnbogason - 22', Philipp Max - 71', Michael Gregoritsch - 87' |
Stadion: Signal Iduna Park, 81365 tomoshabin
Bosh hakam: Markus Schmidt
Mainz 05
1. Bundesliga . 7-tur
06/10/2018, 18:30
Hertha Berlin
Stadion: Opel Arena, 20000 tomoshabin
Bosh hakam: Daniel Schlager
Bosh sahifaga
1257