O'tkir Yusupov: "Raqobat bor joyda o'sish kuzatiladi"

- Mavsum yakuniga etganidan so'ng, "Olmaliq" va "Neftchi" jamoalaridan taklif tushdi, - deb gap boshladi Yusupov.  -  Men esa xech ikkilanmasdan Farg'onaga yo'l olishga qaror qildim.

- Aynan "Neftchi"ni tanlashingizga nima sabab bo'ldi?

- "Neftchi" jamoasining  Oliy liga-2015dagi ishtiroki shaxsan menda ijobiy taassurot qoldi. Farg'onaliklar mavsumni juda yaxshi o'tkazishdi. Murabbiylar shtabi tajribali va kuchli. Undan tashqari, atrofimdagi yaqinlarim ham "Neftchi" jamoasiga borishimni maslahat berishdi. Kelishimdan avval, "Neftchi"dagi ichki ijobiy va do'stona muhit haqida eshitgandim. Haqiqatdan ham shunday ekan.

- Yaxshi bilasiz, "Neftchi"da yana bir darvozabon yani O'zbekiston OTJning asosiy posboni Abdumavlon Abdujalilov bor. Umuman o'ziga xos raqobat yuzaga kelmoqda...

- To'g'ri. Leking raqobatdan qo'rqmayman. Raqobat bor joyda o'sish kuzatiladi. Jurnalistlar "Nasaf"da ham shu kabi savollar bilan ko'p murojaat qilishardi.  "Neftchi"da o'zimni ko'rsatish uchun qo'ldan kelgancha harakat qilaman. Endi buyog'iga Abdumavlon bilan raqobatlashamiz.

- O'tgan yili "Neftchi" darvozasini rossiyalik Evgeniy CHeremesin qo'riqladi va legioner darvozabon qanday mavsum o'tkazganidan xabaringiz bor. Demoqchi bo'lganim siz yoki Abdumavlon CHeremesinning o'rnini bosishingizga to'g'ri keladi...

- Albatta. Hozircha, murabbiylar bizga imkoniyat bermoqda. Nasib qilsa, mashg'ulotlarda qattiq mexnat qilib yangi mavsumda o'zimni ko'rsatishga harakat qilaman.

- Andrey Fyodorov haqidagi ilk taassurotlar qanday?

- Tajribali murabbiy. Fyodorov ham bir vaqtlar yashil maydonda bizga kabi futbolchi bo'lgan. Futbolchi bo'lgan inson, maydondagi sportchiga qanday munosabatda bo'lishni yaxshi biladi. Darvozabonlar murabbiyi bilan hali ko'rishmadik. Bilishimcha, kuchli murabbiy. CHeremesinni ham mana shunday ajobiy mavsum o'tkizishida ularni o'rni katta bo'ldi deb eshitdim.

- "Neftchi" muxlislari, xususan vodiylik ishqibozlar haqida eshitganmisiz?

- Ha, albatta! Vodiy derbilarining shiddatli o'tishidi asosan muxlislar muhim rol o'ynaydi. Darhaqiqat, Farg'onada futbolni juda sevishadi. Bu erga kelib, bunga yana bir bor guvohi bo'ldim.

- Yangi mavsumdan nimalar kutyapsiz?

- Faqat g'alabali bahslar va yuqori o'rinlarni kutyapman.  "Neftchi" muxlislari juda talabchan. Jamoadan faqat g'alaba kutishadi. Nasib qilsa, bu yilgi mavsumda ularning ishonchini oqlaymiz - dedi O'tkir Yusupov.


Futboli haqida malumot:
Ismi-sharifi: O'tkir Yusupov.
Ampulasi: Darvozabon.
Tug'ilgan sanasi va joyi: 1991 yilning 11 aprelida Qozog'istonning CHimkent shahrida tug'ilgan. 5 yoshidan Toshkentda yashagan.
O'ynagan jamoalari: "Paxtakor" (yoshlar) "Mashal" (Muborak) va "Nasaf" (Qarshi)
O'tgan mavsumda qancha o'ynagan: O'tkir "Nasaf" tarkibida 10 o'yinda ishtirok etib, 8 marta o'z darvozasidan gol olib chiqqan. 2 marta sariq kartochka olgan.
 

"Neftchi" PFK matbuot xizmati.