Vohid Xolboev "Nurafshon"dagi moliyaviy holat borasida malumot berdi

"O'yinda g'alaba qozonishimiz aniq edi. Murod Rajabov jarohat olgani sababli o'yinda qatnashmadi. Biroq baribir kuchli o'yin ko'rsatdik. Ko'p jamoalar o'z maydonida hujumkor o'yin ko'rsatishga harakat qiladi. SHu jumladan biz ham o'z mezbonligimizdagi o'yinda asosiy etiborni hujumga berishga intilamiz.

Jamoadagi moliyaviy holat yaxshi tomonga o'zgargan. Har holda futbolchilar bizdan maoshlarini so'rashmayapti. SHu boisdan ulardan talab qilish ham oson bo'lmoqda. Jamoaning ichki muhiti ham ijobiy tomonda. Xudo xohlasa, ayni damdagi o'rnimizni saqlab qolib, o'tish o'yinlarida yaxshi tomonlarimizni ko'rsatib, Superligaga chiqmoqchimiz.

Farruh SHotursunovda ham jarohat bor edi. U ancha vaqtdan buyon to'liq o'yinda qatnashmayapti. Bugun ham u o'z jarohati sababli o'yinning so'nggi daqiqalarigacha o'ynay olmadi.

Buxoroda o'tgan o'yinda ham shunday o'yin ko'rsatgandik. O'shanda ham hujumkor o'yin ko'rsatdik. Biroq so'nggi daqiqalarda gol o'tkazib yuborib, g'alabani qo'ldan chiqardik. Nima ham derdim, xatolar bor. Bu futbolning bir bo'lagi. Hech kim xato qilmasa gol ham bo'lmaydi", - dedi Vohid Xolboev.