“Lokomotiv” Dubayda. Birinchi kun. JA Jebel Ali Beach Hotel
/ Kiritdi: BestMaster O'qilgan: 1130
Yangi yilning uchinchi kunidan mashg'ulotlarga kirishgan “Lokomotiv” 9 yanvar kuni BAAning Dubay shahriga – birinchi xorijiy yig'inni o'tkazish uchun jo'nab ketdi.
“Lokomotiv” delegaciyasi aeraportdan “JA Jebel Ali Beach Hotel” mehmonxonasiga yo'l oldi. Fors Ko'rfazining Dubay qirg'oqlarini yuvib turadigan sohil qismida joylashgan shinam otel yig'in davomida futbolchilarga boshpana vazifasini o'tab beradi.
Klub natijalari uchun javobgarlik vazifasi topshirilgan mutaxassis Mirko Yelichich kunning ikkinchi qismida Dubaydagi dastlabki mashg'ulotni boshlab yubordi. Mehmonxonaning orqa qismida joylashgan qumli maydonda o'tgan mashg'ulot jarayonida barcha futbolchilar ishtirok etishdi. Ularning kayfiyati alo darajada.
“Lokomotiv” 23 yanvarga qadar 3 ta o'rtoqlik o'yinida ishtirok etadi. Birinchi sinov-nazorat uchrashuvi Saudiya Arabistoni vakili “Al-Ahli”ga qarshi bo'lib o'tadi. Milliy chempionatning 13-turidan keyin 33 ochko bilan ligada karvonboshilik qilayotgan “Al-Ahli” Osiyo chempionlar ligasining “D” guruhida Qarshining “Nasaf” klubiga raqiblik qilishini yaxshi bilasiz.
Ikkinchi o'rtoqlik uchrashuvi yanvarning 19-kuniga tayin qilindi. Bu safar “temiryo'lchilar” Xitoy chempionatini 5-o'rinda yakunlagan “Xenan Jiane”ga raqib bo'ladilar. Tarkibida Janubiy Koreya, Portugaliya, Braziliya kabi mamlakatlardan legionerlari bor jamoada O'zbekiston milliy terma jamoasining bo'lajak raqibi Filippin safida to'p suradigan Xaver Patino ham bor.
Va nihoyat uchinchi o'rtoqlik bellashuvida raqib - Janubiy Koreyaning “CHonbuk Xyunday” klubi. Osiyo chempionlar ligasi guruh bosqichida ishtirok etadigan jamoa Key-liganing so'nggi mavsum oltin medallariga sazovor bo'lgani bilan ajralib turadi.
Bosh sahifaga
1303