O'zbekiston olimpiya terma jamoasi murabbiyi Kuperning tavsiyasiga ko'ra tanlanadi

Keyinchalik bu xabar o'z tasdig'ini topmadi. Yani, O'FA birinchi vice-prezidenti Umid Ahmadjonov "Futbol Ekspress" gazetasiga bergan intervyusida OTJga murabbiyni Ispaniyadan izlashayotganini malum qilgandi.

Bizdagi malumotlarga ko'ra, O'FA rahbariyati Ispaniyadagi hamkorlar orqali murabbiy topishni maqsad qilishgan. Afsuski Superliga o'yinlari nihoyasiga etib borayotgan bir paytda Tokio-2020 uchun kurashishi lozim bo'lgan OTJga hali ham bosh murabbiy tayinlangani yo'q. Olgan malumotlarimizga ko'ra, MTJ bosh murabbiyi Ektor Kuperning tavsiyasiga ko'ra Olimpiya terma jamoamizga murabbiy tanlanadi.

Eslatib o'tamiz, 2019 yilning mart oyida Toshkentda saralash o'yinlari bo'lib o'tadi.

Ko'pchilikni o'ylantirayotgan muammo shundaki, chempionat nihoyasiga juda oz qoldi. Ammo OTJ hali ham o'z egasiga topshirilgani yo'q. Yangi keladigan mutaxassis esa tarkib uchun qachon futbolchilarni saralaydi va ularni qaerda ko'radi? Bu katta jumboq.